Ekesote 14:21 - Tosi Tapu

²¹ Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:21 Iomraidhean Croise

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Lua tosi o Sau 2:8

Ti na too loa e Elia lona taupulupulu o takatakai mo taai ki ai le vai o le Solotane, leia na mavaelua loa, ti na la fakalaka loa i le takele malo.

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Sopo 26:12

E lagai e ia le tai ki lona makeke, Ti e fatii e ia lona fia nealasi ki lona atamai.

Sopo 38:24

Ko le ala fea leia e mavaelua ai le malama, Ti e mafola ai le matagi mei le potu esite ki le kele ?

Pesalemo 136:13

Ko ia leia na vaelua ia le tai Kula, Talie e lee gato lona manava alofa !

Pesalemo 148:8

Afi mo ua fefeka, nive mo kokofu, Matagi makeke, ala e fai ia ana fakatotonu,

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Pesalemo 74:13

Na ke vaelua le tai i lou mafimafi, Na ke fatifatii a ulu o le talakone lasi o le tai ;

Pesalemo 78:13

Na vaelua loa e ia le tai, ti na fakamavaa loa e ia kia latou se ala, Na fakatuuga loa e ia a vai ofaipe ni paa.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 14:20

Na tuu loa le ao i le vasa o le kau tau a le kau Esipito mo le kau tau a le kau Iselaele. Na fakapouli le ao lena i le tasi fetuu, ti na fakamalama e ia i leia ake fetuu le pouli. Ti na leaise mafai loa ke fakafeofi a kau tau e lua i le po katoa.

Ekesote 15:8

I le tukumanava o ou pogoisu, na fakatuuga a vai, Na tanaki a vaitafe ofaipe se kaua, Na lotou fefeka i loto malie o le tai.

Ekesote 7:19

Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 43:16

Ko leinei le folafola a le Eteleno, Leia na tofa ia se ala i le tai, Leia na tofa ia se anoaga i loto malie o atu vai makeke,

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 51:10

Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 63:13

Leia na taki ia latou i loto malie o galu, Ofaipe se osi mauvave i le toafa, Ti na leaise siga fua se tasi ?

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Sosue 2:10

Talie kua motou logo na fakamasa e le Eteleno i okoutou mua a vai o le tai Kula, i le aso leia na kotou mavae ai i Esipito, ti mo le nea leia na kotou fai ki sau e lua o le kau Amole, ko Sioni mo Oki, ala na nonofo i le kauvai esite o le Solotane ti na kotou tamate.

Sosue 3:17

Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Sosue 4:23

Talie na fakamasa e le Eteleno, lokoutou Atua, i okoutou mua le Solotane, o tupu ke kotou fakalaka i ai, ofaipe lana fakamasa ia kia koutou le tai Kula.