Ekesote 14:16 - Tosi Tapu

¹⁶ Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 14:16 Iomraidhean Croise

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Ekesote 14:15

Na pati loa le Eteleno kia Moisese : Koa a kalaga anei ? Masau ki fanau a Iselaele, ti ke lotou saele.

Ekesote 14:26

Ti na pati loa le Eteleno kia Moisese : Siki lou lima ki le tai, ti e toe liliu loa le tai ki le kau Esipito, mo alatou saliote, ti mo lolatou kau ekeosi.

Ekesote 17:5

Na pati loa le Eteleno kia Moisese : Ano i mua o le kakai, ti ke ano mo koe le kau matua o Iselaele ; too foki i lou lima le tokotoko leia na ke taai ai le vaitafe, ti ke ano !

Ekesote 17:6

Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Ekesote 4:17

Too i lou lima le tokotoko lena, leia e ke fai loa ki ai a fakamailoga.

Ekesote 4:2

Ti na pati loa le Eteleno kiate ia : Kolea i lou lima ? Ti na tali loa a ia : Ko se tokotoko.

Ekesote 4:20

Na too loa e Moisese lona avaga mo ona vosa, o fakaeke latou ki ni asino, ti na toe liliu loa a ia ki le fenua o Esipito. Na too loa e ia i lona lima le tokotoko o le Atua.

Ekesote 7:19

Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Ekesote 7:9

Kapau e pati atu loa Falaone kia koulua : Kolua fai se milakulo ! E ke pati loa kia Alone : Too lou tokotoko, o ti a ia ki mua o Falaone. E liliu loa a ia ko se gata.

Esaia 10:26

E siki loa e le Eteleno o kau tau le suipi kiate ia, Ofaipe lana taai Matiane i le utu o Olepe ; Ti, ofaipe lana siki lana tokotoko ki le tai, E toe siki loa e ia a ia, ofaipe lana fai i Esipito.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Numelo 20:11

Ti na siki loa e Moisese lona lima, ti na taai tua lua loa e ia le utu ki lona tokotoko. Na sali loa se vai lasi. Na inu loa le kakai mo manu.

Sosue 8:18

Na pati loa le Eteleno kia Sosue : Ke ke siki le tao leia e ke too i lou lima o fakaaga ki Ai, talie e kau tuku loa a ia ki ou lima. Na siki loa e Sosue lana tao leia na too i lona lima o fakaaga ki Ai.