Ekesote 13:3 - Tosi Tapu

³ Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:3 Iomraidhean Croise

Senesi 15:16

I le fa o tautupu, e lotou toe liliu mai loa ki leinei ; talie e leikiaise kaku le agasala o le kakai Amole ki lona apele malie.

Uluaki tosi o Sau 8:42

talie e iloa loa le logologona o lou suafa lasi, mo lou lima makeke, ti mo lou lima falo, io ka au loa a ia o faikole i le fale leinei,

Uluaki tosi o Koloniko 16:12

Kotou manatui a gaoi fakaii ala na fai e ia, mo ana milakulo ti mo fakamaau o lona gutu,

Neemia 1:10

Ko au tagata fakasausau latou anei ti ko lou kakai, leia na ke totogi ki lou mafimafi ti mo lou lima makeke.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Pesalemo 105:5

Kotou manatui a nea fakatalatupua ala na fai e ia, Ana milakulo, mo fakamaauaga o lona gutu,

Pesalemo 114:1

I le mavae a Iselaele i Esipito, I le fakamamao o le fale o Sakopo i se kakai pagani,

Pesalemo 136:11

Ko ia leia na fakamavae ia Iselaele ia latou, Talie e lee gato lona manava alofa !

Pesalemo 136:12

Ki lona lima makeke mo lona lima falo, Talie e lee gato lona manava alofa !

Pesalemo 89:14

E mafimafi lou lima, E makeke lou alofi lima, e taualuga lou lima atamai.

Ekesote 12:15

I aso e fitu, e kotou kai loa ni pane sala fakatupu. E kamata loa mei le uluaki aso, e leaise toe maua loa se fakatupu i okoutou fale ; talie ko tagata fuli ala e kai loa ki se pane fakatupu, mei le uluaki aso o kaku ki le fitu o aso, e tuuti loa a ia mei Iselaele.

Ekesote 12:17

E kotou tausi loa le aso o pane sala fakatupu, talie ko le aso a ia leia na kau fakamavae ai akoutou kau tau i le fenua o Esipito ; e kotou taupau loa le aso lena ofaipe se lao ke tuku sosolo ki okoutou sakoga.

Ekesote 12:19

I aso e fitu, ke aua na toe maua loa se fakatupu i okoutou fale, talie ko tagata fuli ala e kai loa ki se pane fakatupu, e tuuti loa latou mei le fakatasiga o Iselaele, tatau aifai pe ko se matapule pe ko se tagata totonu o le fenua.

Ekesote 12:2

E liliu loa le masina leinei kia koutou ko le uluaki masina o masina ; e liliu loa a ia kia koutou ko le uluaki masina o le fetuu.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 12:42

E fakamanatu loa le po lena ki le Eteleno, talie na fakamavae loa e ia lona kakai i le fenua o Esipito ; e tausi loa le po lena ki le Eteleno e fanau fuli o Iselaele mo olatou sakoga.

Ekesote 12:8

I le po lena, e kai loa le kanofi o le manu, leia kua tunu i le afi, mo ni pane sala fakatupu ti mo ni lau laakau kona.

Ekesote 13:14

Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 20:8

Manatui le aso o le sapato, o fakamaokioki a ia.

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Ekesote 7:4

E leaise fakalogo loa Falaone kia koulua. E fafa loa loku lima ki Esipito, ti e kau fakamavae loa mei le fenua o Esipito aku kau tau, loku kakai, a fanau a Iselaele, ki ni tautea lalasi.

Selemia 34:13

E folafola le Eteleno, le Atua o Iselaele : Na kau fai se sai mo okoutou tamana, i le aso leia na kau fakamavae ai latou mei le fenua o Esipito, mei le fenua leia na lotou popula ai ; ti na kau pati kia latou :

Taniela 9:15

I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Mateo 10:12

I le ulu ki le loto fale, kotou pati : Ke nofo le tokamalie mo koutou !

Luka 22:19

Na too foki e ia se pane, o fakafetai, mo tofitofi a ia, mo soli a ia kia latou, o pati : Ko le nea leinei ko loku tino, leia e soli o tupu ko koutou ; kotou fai le nea leinei o fakamanatu kiate au.

Uluaki tosi ki le kau Kolinto 11:24

ti i le oki o lana fakafetai, na tofitofi loa e ia a ia, o pati : ko loku tino leinei, leia kua tofitofi o tupu ko koutou ; kotou fai le nea leinei o fakamanatu kiate au.

Uluaki tosi ki le kau Kolinto 5:8

Koia ke tou fai le aso, kae leai ki se fakatupu matua, pe ki se fakatupu o le veli mo le agaveli, kae ki ni pane sala fakatupu o le agatonu mo le maoki.

Efeso 1:19

ti e feaki le lasi lee gato o lona mafimafi kia tatou ala e tui, leia na fakasa e ia lona makeke katoa,

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:11

E fenaaki loa, o tupu ke logo ti ke i a Iselaele katoa, ti ke aua na toe fai loa se agaveli fenaaki iate koe.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 15:15

E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Tetelonome 16:1

Ke ke tausi le masina o Apipi, o ke fai loa le Pasikate ki le Eteleno, lou Atua : Talie i le masina o Apipi, na fakamavae a koe e le Eteleno, lou Atua, mei Esipito i le pouli.

Tetelonome 16:12

E ke manatui loa na ke popula i Esipito, ti e ke tausi loa ti mo ke fai loa a lao fuli ana.

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.

Tetelonome 24:18

Ke ke manatui loa na ke nofo popula i Esipito, ti na saofaki a koe e le Eteleno, lou Atua ; koia e kau tuku atu ai kiate koe a fakatotonu ana ke ke fai.

Tetelonome 24:22

Ke ke manatui loa na ke nofo popula i le fenua o Esipito : Koia e kau tuku atu ai kiate koe a fakatotonu ana ke ke fai.

Tetelonome 26:8

Ti na fakamavae loa e ia matou mei Esipito, ki lona lima makeke mo lona lima falo, ki ni milakulo mo ni nea fakaofolele.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.

Tetelonome 5:6

Ko au ko le Eteleno, lou Atua, leia na fakamavae ia a koe mei le fenua o Esipito, leia na ke popula ai.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Tetelonome 6:21

Ke ke tali loa ki lou vosa : Na motou popula kia Falaone i Esipito, ti na fakamavae loa matou e le Eteleno mei Esipito ki lona lima makeke.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Tetelonome 9:12

Na pati mai loa le Eteleno kiate au : Ke ke tuu ki aluga, o ifo vave i leinei, talie ko le kakai leia na ke fakamavae mei Esipito kua fai ia se agasala veli, ti kua lotou mavae fakatavili mei le ala leia na kau fakasa kia latou, ti kua lotou fai kia latou se fakatata ki le ukamea saka.

Sosue 24:17

Talie ko le Eteleno ko lomatou Atua ; ko ia leia na fakamavae ia matou mei Esipito, mei le fale o le popula, matou mo omatou tamana ; ko ia leia na fakasoko ia i omatou mua a milakulo lalasi ana, ti na taupau ia matou i le ala katoa leia na motou saele ai, ti na puipui ia matou mei puleaga ala na motou fakalaka ai.

Tuifakamaau 2:12

Na lotou tiaki loa le Eteleno, Atua o olatou tamana, leia na fakamavae ia latou mei le fenua o Esipito, ti na lotou tausi loa ki ni atua kese, o fenua ala na takatakai ia latou. Ti na lotou punou loa i mua o atua ana, o lotou fakatupu ai loa le sausau o le Eteleno.

Tuifakamaau 6:8

Na tuku loa e le Eteleno se polofeta ki fanau a Iselaele. Na pati loa a ia kia latou : Ko leinei le folafola a le Eteleno, Atua o Iselaele : Na kau fakamavae koutou mei Esipito ti na kau fakamavae koutou mei le fale o le popula.