Ekesote 13:21 - Tosi Tapu

²¹ Na ano loa le Eteleno i olatou mua i le ao i se fa pou afu, o taki latou i le ala ; ti e i le pouli i o se fa pou afi, o fakamalama latou, o tupu ke lotou saele i le ao mo le pouli.

Ekesote 13:21 Iomraidhean Croise

Neemia 9:12

Na ke taki loa latou i le ao ki se fa pou ao, ti na ke taki loa latou i le pouli ki se fa pou afi, leia na fakamalama ia lolatou ala, le ala leia na tonu ke lotou saele ai.

Neemia 9:19

I lou manava alofa lasi, na leaise ke tiaki loa latou i le toafa, ti na leaise puli loa le fa pou ao leia na taki ia latou i le ao i le ala, ti mo le fa pou afi leia na taki ia latou i le pouli i le ala leia na tonu ke lotou saele ai.

Pesalemo 105:39

Na folasi loa e le Eteleno le ao ke fakamalumalu ia latou, Ti mo le afi ke fakamalama ia latou i le pouli.

Pesalemo 68:7

E soli e le Atua se famili kia latou ala na tiaki, E saofaki e ia le kau popula ti e fakafiafia e ia latou ; E gato fuai ki le kau agatuu e nonofo i ni potu malo.

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Pesalemo 78:14

I le ao na taki loa e ia latou i se pou ao, Kae i le pouli katoa i se afi gigila.

Pesalemo 99:7

Na masau loa a ia kia latou i le pou ao ; Na lotou tausi loa ana folafola, Ti mo le lao leia na soli loa e ia kia latou.

Ekesote 10:10

Na pati loa Falaone kia laua : Ke nofo le Eteleno mo koutou, ofaipe laku tuku koutou ke ano, koutou mo akoutou fanau ! Ke kotou tokaga talie e tuu le malaia i okoutou mua !

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Numelo 10:34

Na tuu le ao o le Eteleno i aluga o latou i le ao, i lalatou mavae i le nofolaga.

Numelo 14:14

ti e lotou fakamatala loa a ia ki le kakai o le fenua leinei. Talie kua lotou iloa ko koe, ko le Eteleno, e ke nofo mo lou kakai ; ti e ke sa mata kiate ia, a koe, ko le Eteleno ; ti e tuu lou ao iate ia ; ti e ke saele i ona mua i le ao i se pou afu, mo le pouli i se pou afi.

Tetelonome 1:33

leia na ano i mua o koutou i le ala, o afa se ganea leia ke fakatuu ai okoutou falela ; i le pouli i se afi ke fakasa ia le ala leia e tonu ke kotou saele ai ; i le ao i se pou afu ke fakamalumalu ai koutou.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !