Ekesote 13:19 - Tosi Tapu

¹⁹ Na too loa e Moisese a ivi o Sosefo o ano mo ia, talie na pati Sosefo ki fanau a Iselaele ke lotou fakapapau ake kiate ia : E fakatele loa le Atua kia koutou, ti kotou paleaki loa oku ivi mo koutou ke mamao i leinei.

Ekesote 13:19 Iomraidhean Croise

Senesi 48:21

Na pati loa Iselaele kia Sosefo : Ko leinei ka kau mate loa ! Kae e nofo loa le Atua mo koutou, ti e toe fakaliliu loa koutou e le Atua ki le fenua o okoutou tamana.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Luka 1:58

Na logo loa ona kau vasaa fale mo ona kaiga kua fakasa e le Aliki lona manavaalofa kiate ia, ti na lotou fiafia loa mo ia.

Luka 7:16

Na maua loa e le kakai katoa se i, ti na lotou fakakololia loa ki le Atua, o pati : Kua sa se polofeta lasi ia tatou, ti kua fakatele le Atua ki lona kakai.

Gaoi 7:15

Ti na ifo loa Sakopo ki Esipito, ti na mate loa a ia i ai, o tatau mo otatou tamana.

Gaoi 7:16

Ti na ave loa latou ki Siseme, o tuku ki le tanuma leia na totogi paaga e Apalaamo ki vosa o Amole i Siseme.

Epelo 11:22

Ko le tui leia na masau ai loa Sosefo, i lana teuteu ke mate, ki le mavae o vosa o Iselaele, ti na tuku ai loa e ia a fakatotonu o uiga mo ona ivi.

Sosue 24:32

Ko ivi o Sosefo, ala na avake e fanau a Iselaele mei Esipito, na tanu loa i Siseme, i le ga kele leia na totogi e Sakopo ki vosa o Amole, tamana o Siseme, ki ni fa kesita e kau lelau. Na kau le ganea lena ki le tofiga o vosa o Sosefo.