Ekesote 13:15 - Tosi Tapu

¹⁵ kae, i le fakafefeka e Falaone o lona loto, o leaise tuku e ia matou ke ano, na tamate loa e le Eteleno a uluaki fuli i le fenua o Esipito, mei uluaki o tagata o kaku ki uluaki o manu. Ko lena le tupuaga o laku momoli ki le Eteleno le sakilifisio ki manu tagata uluaki fuli, ti mo laku totogi ai a uluaki fuli o oku vosa.

Ekesote 13:15 Iomraidhean Croise

Pesalemo 105:36

Na taai loa e ia a uluaki tupu fuli i lolatou fenua, A uluaki fua fuli o lolatou makeke.

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 3:19

E kau iloa e leaise tuku loa koutou e le sau o Esipito ke ano, mo kapau e leaise fafa loa se lima makeke kiate ia.

Ekesote 34:20

E ke totogi loa ki se akeno le uluaki o le asino ; ti kapau e leaise ke totogi a ia, e ke fatii loa lona ua. E ke totogi loa a uluaki fuli o ou vosa ; ti e leaise au loa ki oku mua mo lima ata.

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Numelo 18:15

E ke maua loa a uluaki fuli ala e lotou momoli loa ki le Eteleno, tatau fai a uluaki o tagata mo manu. Kae e ke fakatotogi loa le uluaki o le tagata, ti e ke fakatotogi loa le uluaki o le manu kelekele.

Numelo 3:46

Ti na toe loa ke toe totogi a tino lelau lua tupu fitu tupu tolu (273) tagata uluaki o fanau a Iselaele, ala na fakalaka loa i le kau Levi.