Ekesote 13:14 - Tosi Tapu

¹⁴ Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:14 Iomraidhean Croise

Senesi 30:33

E feala loa i apogipogi ke ke tio ki loku faitotonu, mo ka ke au loa o tioi loku totogi. Ko koti fuli ala e leaise pulepule liliki pe pulepule lalasi, ti mo ovi fuli ala e leaise fulu uli, e lau loa latou ko manu kaia.

Uluaki tosi o Koloniko 16:12

Kotou manatui a gaoi fakaii ala na fai e ia, mo ana milakulo ti mo fakamaau o lona gutu,

Neemia 1:10

Ko au tagata fakasausau latou anei ti ko lou kakai, leia na ke totogi ki lou mafimafi ti mo lou lima makeke.

Pesalemo 136:11

Ko ia leia na fakamavae ia Iselaele ia latou, Talie e lee gato lona manava alofa !

Pesalemo 145:4

Ke fakafetai a tautupu fuli ki au gaoi, Ti ke lotou fakasa au gaoi lalasi !

Pesalemo 78:4

E leaise motou fufu loa a ia ki amatou fanau ; E motou fakasa loa ki le tautupu ka au a fakavikiviki o le Eteleno, Mo lona mafimafi, ti mo nea fakamanamana ala na fai e ia.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:8

E ke pati loa ki lou vosa : E fakamanatu i le nea leinei le nea leia na fai e le Eteleno kiate au, i le aso leia na kau mavae ai i Esipito.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Selemia 34:13

E folafola le Eteleno, le Atua o Iselaele : Na kau fai se sai mo okoutou tamana, i le aso leia na kau fakamavae ai latou mei le fenua o Esipito, mei le fenua leia na lotou popula ai ; ti na kau pati kia latou :

Taniela 9:15

I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Gaoi 13:17

Na filifili e le Atua o le kakai leinei o Iselaele otatou tamana. Ti na siki loa e ia a ia ki aluga i lana nofo i Esipito, ti na fakamavae loa e ia a ia mei ai ki lona lima mafimafi.

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.

Tetelonome 5:6

Ko au ko le Eteleno, lou Atua, leia na fakamavae ia a koe mei le fenua o Esipito, leia na ke popula ai.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Sosue 22:24

Kae e leaise ko lena lona tupuaga ! Talie na motou fai le nea lena o tupu na motou tuania ia loa le temi ki muli, o uiga mo amatou fanau. E feala loa ke pati okoutou vosa ki omatou vosa i se aso : Kolea e kotou kau ai ki le Eteleno, Atua o Iselaele ?

Sosue 24:17

Talie ko le Eteleno ko lomatou Atua ; ko ia leia na fakamavae ia matou mei Esipito, mei le fale o le popula, matou mo omatou tamana ; ko ia leia na fakasoko ia i omatou mua a milakulo lalasi ana, ti na taupau ia matou i le ala katoa leia na motou saele ai, ti na puipui ia matou mei puleaga ala na motou fakalaka ai.

Sosue 4:6

o tupu ke liliu a ia ko se fakamailoga i loto malie o koutou. Ka vesili atu loa a akoutou fanau kia koutou i se aso : Kolea le uiga o fatu ana kia koutou ?

Tuifakamaau 2:12

Na lotou tiaki loa le Eteleno, Atua o olatou tamana, leia na fakamavae ia latou mei le fenua o Esipito, ti na lotou tausi loa ki ni atua kese, o fenua ala na takatakai ia latou. Ti na lotou punou loa i mua o atua ana, o lotou fakatupu ai loa le sausau o le Eteleno.

Tuifakamaau 6:8

Na tuku loa e le Eteleno se polofeta ki fanau a Iselaele. Na pati loa a ia kia latou : Ko leinei le folafola a le Eteleno, Atua o Iselaele : Na kau fakamavae koutou mei Esipito ti na kau fakamavae koutou mei le fale o le popula.