Ekesote 13:11 - Tosi Tapu

¹¹ I le aso leia e fakaulu ai loa a koe e le Eteleno ki le fenua o le kau Kanaane, ofai ki lana fakapapau kiate koe mo ou tamana, ke soli atu a ia kiate koe,

Ekesote 13:11 Iomraidhean Croise

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?