Ekesote 12:41 - Tosi Tapu

⁴¹ I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 12:41 Iomraidhean Croise

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Uluaki tosi o Sau 6:1

Na kamata laga loa e le sau ko Salomone le fale tapu o le Aliki i le sili o sekulo e fa mo fetuu e kau valu ki le mavae o fanau a Iselaele mei le fenua o Esipito, i le fa o fetuu o lona sau i Iselaele, i le masina o Siva, leia ko le lua o masina.

Lua tosi o Koloniko 14:12

Na tuli loa latou e Asa mo le kakai leia na nofo mo ia o kaku ki Kela, ti na mamate loa le kau Etiopia i le ala, o leaise toe sao fua se tasi, talie na maumaui latou e le Eteleno mo lana kau tau. Na maua loa e Asa mo lona kakai se koloa lasi i le tau lena ;

Pesalemo 102:13

Kae ko koe, Eteleno, e ke sau o lee gato, Ti e fakamanatu lou suafa i tautupu mo tautupu.

Pesalemo 114:1

I le mavae a Iselaele i Esipito, I le fakamamao o le fale o Sakopo i se kakai pagani,

Pesalemo 136:11

Ko ia leia na fakamavae ia Iselaele ia latou, Talie e lee gato lona manava alofa !

Ekesote 12:17

E kotou tausi loa le aso o pane sala fakatupu, talie ko le aso a ia leia na kau fakamavae ai akoutou kau tau i le fenua o Esipito ; e kotou taupau loa le aso lena ofaipe se lao ke tuku sosolo ki okoutou sakoga.

Ekesote 12:51

I le aso totonu lena, na fakamavae ai loa e le Eteleno i le fenua o Esipito a fanau a Iselaele, o mulimuli ki alatou kau tau.

Ekesote 13:14

Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:16

E tuu loa le nea lena ko se fakamailoga i lou lima ti ko se fakamanatu i lou lae ; talie na fakamavae matou i Esipito e le lima makeke o le Eteleno.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 3:10

Koia, i le aso nei, e kau kakau loa a koe ke ano kia Falaone, ti e ke fakamavae loa mei Esipito loku kakai, a fanau a Iselaele.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 6:26

Ko le Alone foki lena mo le Moisese lena, ala na pati ki ai le Eteleno : Kolua fakamavae mei Esipito a fanau a Iselaele, o mulimuli ki alatou kau tau.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 7:4

E leaise fakalogo loa Falaone kia koulua. E fafa loa loku lima ki Esipito, ti e kau fakamavae loa mei le fenua o Esipito aku kau tau, loku kakai, a fanau a Iselaele, ki ni tautea lalasi.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Levitiko 23:43

o tupu ke iloa e okoutou tautupu muli na kau fakanonofo le kakai o Iselaele i ni fale pola, i le oki o laku fakamavae latou mei le fenua o Esipito. Ko au ko le Eteleno, ko lokoutou Atua.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Numelo 23:22

Na fakamavae latou e le Eteleno mei Esipito, E fai a ia kia latou pe le makeke o le pipi vao.

Numelo 33:1

Ko nei a nofolaga o fanau a Iselaele ala na mavae mei Esipito i kau tau, i le takitaki a Moisese mo Alone.

Soane 7:8

Kotou pale, koutou, ki le aso lasi lena ; kae ko au, e leaise kau pale nei ki ai, talie e leikiaise tatae loku temi.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Tetelonome 16:1

Ke ke tausi le masina o Apipi, o ke fai loa le Pasikate ki le Eteleno, lou Atua : Talie i le masina o Apipi, na fakamavae a koe e le Eteleno, lou Atua, mei Esipito i le pouli.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Sosue 24:5

Na kau kakau loa Moisese mo Alone, ti na kau taai loa Esipito ki ni malaia na kau fai i loto malie o le fenua ; ti na kau fakamavae loa koutou mei ai.

Sosue 5:14

Na tali loa le tagata : Leai, kae ko au ko le pule o kau tau a le Eteleno, e kau kaku mai nei. Na punou loa Sosue o fakatau ona mata ki le kele, o su, mo pati : Kolea le nea leia e fakasa e loku aliki ki lana tagata fakasausau ?