Ekesote 12:29 - Tosi Tapu

²⁹ I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 12:29 Iomraidhean Croise

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Sopo 34:20

I se kemo o le mata, e lotou mamate ; I loto malie o le pouli, e siga se puleaga, o mate ; Ti e puli le tagata makeke, sala mo le lima o se tagata.

Pesalemo 105:36

Na taai loa e ia a uluaki tupu fuli i lolatou fenua, A uluaki fua fuli o lolatou makeke.

Pesalemo 135:8

Na taai loa e ia a uluaki tupu o Esipito, Mei tagata o kaku ki manu.

Pesalemo 136:10

Ko ia leia na tamate ia a uluaki tupu o le kau Esipito, Talie e lee gato lona manava alofa !

Pesalemo 78:50

Na tuku loa e ia lona sausau ke vilo katoa, Na leaise fakamauli loa e ia olatou laumalie i le mate, Na tuku loa e ia olatou mauli ki le malaia veli ;

Pesalemo 78:51

Na tamate loa e ia a uluaki tupu fuli o Esipito, A uluaki fua o le makeke i lalo o falela o Kami.

Ekesote 11:1

Na pati loa le Eteleno kia Moisese : E kau toe tuku loa se tautea fakaoki kia Falaone mo Esipito. Ka oki loa le nea lena, e tuku loa koutou e Falaone ke mavae i leinei. Ka tuku loa e ia koutou ke ano, e kapu loa e ia koutou ke mavae oki i leinei.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 12:28

Ti na ano loa a fanau a Iselaele, ti na lotou fai loa le nea leia na fakatotonu e le Eteleno kia Moisese mo Alone ; na lotou fai loa a ia.

Ekesote 13:15

kae, i le fakafefeka e Falaone o lona loto, o leaise tuku e ia matou ke ano, na tamate loa e le Eteleno a uluaki fuli i le fenua o Esipito, mei uluaki o tagata o kaku ki uluaki o manu. Ko lena le tupuaga o laku momoli ki le Eteleno le sakilifisio ki manu tagata uluaki fuli, ti mo laku totogi ai a uluaki fuli o oku vosa.

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Ekesote 9:6

Ti na fai loa e le Eteleno le nea lena i leia ake a aso. Na mamate loa a kau manu fuli a le kau Esipito, kae na leaise mate fua se manu e tasi i kau manu a fanau a Iselaele.

Esaia 24:22

E lotou fakatasi fuli loa ofaipe se kau popula i se fale pilisoni, Ti e tapono loa latou i ni kogafale pilisoni. Ti, ka oki loa ni aso mauke ai, E tonu ke tautea loa latou.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 51:14

Kua vave fua ti ko leia na mapelu i tini e saofaki loa ; E leaise mate loa a ia i le pilisoni, Ti e leaise puli loa le pane kiate ia.

Selemia 38:13

Ti na lotou toso ake loa Selemia ki maea, ti na lotou paleaki ake aia i le sosoni ki tafa. Ti na nofo loa Selemia i le malae o le fale pilisoni.

Selemia 38:6

Koia na lotou too loa Selemia, o ti ki loto o le sosoni a Malekisa, vosa o le sau, leia na tuu i le malae o le fale pilisoni ; na lotou fakaifo loa Selemia ki ni maea. Na leaise i ai se vai i le sosoni, kae na i ai se pela ; ti na ogo loa Selemia i le pela.

Apakuki 3:5

I ona mua e saele ai le taumasaki, Ti e muli iate ia le taumasaki.

Sakalia 9:11

Kae kiate koe, o tupu ko lau sai na fakamaoki ki le toto, E kau fakamavae loa lau kau popula i le popoko leia e leaise maua ai se vai.

Numelo 3:13

Talie i le aso leia na kau tamate ai a uluaki o le kau Esipito, na kau fakatapui kiate au a vosa uluaki fuli o fanau a Iselaele mo uluaki fuli o alatou kau manu : a aku loa latou, ko au ko le Eteleno.

Numelo 33:4

Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

Numelo 8:17

Talie e kau maua loa a uluaki tupu fuli o fanau a Iselaele, tatau fai i tagata mo manu ; i le aso leia na kau tamate ai a fanau uluaki fuli o le fenua ko Esipito, na kau fakatapui latou ma aku.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.

Epelo 12:23

ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,