Ekesote 12:28 - Tosi Tapu

²⁸ Ti na ano loa a fanau a Iselaele, ti na lotou fai loa le nea leia na fakatotonu e le Eteleno kia Moisese mo Alone ; na lotou fai loa a ia.

Ekesote 12:28 Iomraidhean Croise

Lua tosi a Samuele 5:25

Na fai loa e Tavite le nea leia na fakatotonu e le Eteleno kiate ia, ti na tamate loa e ia le kau Filisitini mei Kepa o kaku ki Kesele.

Uluaki tosi o Sau 17:5

Ti na ano loa a Elia o fai ki le folafola a le Eteleno, ti na ano loa a ia o nofo i tafa o le liua o Kelite, leia e aga atu ki le Solotane.

Ekesote 12:27

E kotou tali loa : Ko le sakilifisio o le Pasikate ki le Eteleno, leia na fakasili i aluga o fale o fanau a Iselaele i Esipito, i lana taai Esipito kae saofaki otatou fale. Na punou loa le kakai ki le kele o atolasio.

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 12:35

Na fai loa e fanau a Iselaele le nea leia na pati ki ai Moisese, ti na lotou kole loa ki le kau Esipito ni ipu siliva, mo ni ipu aulo, ti mo ni kofu.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 36:1

Ko Petesaleele, mo Ooliape, ti mo tagata poto tufuga fuli ala na tuku ki ai e le Eteleno le poto mo le atamai ki le fai o gaoi, na fai ia loa a gaoi ki le sagatualio, o mulimuli ki nea fuli ala na fakatotonu e le Eteleno.

Ekesote 39:32

Ti na oki loa gaoi fuli o le tapenakulo, o le falela tapu. Na fai loa e fanau a Iselaele a nea fuli ala na fakatotonu e le Eteleno kia Moisese ; na lotou fai loa o fenaaki.

Ekesote 39:42

Na fai loa e fanau a Iselaele a gaoi fuli ana, o mulimuli totonu ki fakatotonu fuli ala na tuku e le Eteleno kia Moisese.

Ekesote 39:43

Na tioi loa e Moisese a gaoi fuli ; ti ko leinei, kua lotou fai a nea fuli o mulimuli totonu ki nea ala na fakatotonu e le Eteleno, na lotou fai fenaaki loa. Ti na tapuaki loa Moisese kia latou.

Ekesote 7:10

Na ano loa Moisese mo Alone kia Falaone, ti na la fai loa le nea leia na fakatotonu ake e le Eteleno kia laua. Na ti loa e Alone lona tokotoko ki mua o Falaone mo ana tagata fakasausau ; ti na liliu loa le tokotoko ko se gata.

Ekesote 7:6

Na fai loa e Moisese mo Alone le nea leia na fakatotonu e le Eteleno kia laua : Na la fai loa ki ai.

Levitiko 24:23

Na masau loa Moisese ki fanau a Iselaele ; ti na lotou fakamavae loa le tagata leia na lauveli mei le nofolaga, ti na lotou tuki fatui loa a ia. Na mulimuli loa fanau a Iselaele ki le fakatotonu leia na tuku e le Eteleno kia Moisese.

Numelo 1:54

Na fai loa e fanau a Iselaele a fakatotonu fuli ala na tuku e le Eteleno kia Moisese.

Numelo 31:31

Na fai loa e Moisese mo Eleasale le fakatotonu lena na tuku e le Eteleno kia Moisese.

Numelo 31:41

Na soli loa e Moisese ki le tagata faisakilifisio ko Eleasale le tukusau ki le Eteleno, o mulimuli ki le fakatotonu leia na tuku e le Eteleno kia Moisese.

Numelo 31:47

I le vaega lena na tuku ki fanau a Iselaele, na too loa e Moisese se tukusau ko se toka tasi i tino lelau e lima, mo se manu e tasi i manu e kau lelau e lima. Ti na soli loa e ia le vaega lena ki le kau Levi, ala na tokaga ki le falela tapu o le Eteleno, o mulimuli ki le fakatotonu leia na tuku e le Eteleno kiate ia.

Numelo 5:4

Na fai loa fanau a Iselaele ki ai ; ti na lotou fakamavae loa latou ana mei le nofolaga ki fafo ; na fai loa e fanau a Iselaele le nea leia na fakatotonu e le Eteleno kia Moisese.

Tetelonome 34:9

Na apele loa Sosue, vosa o Nune, i le Laumalie o le poto, talie na teki e Moisese ona lima kiate ia. Na fakalogo loa fanau a Iselaele kiate ia, ti na lotou mulimuli loa ki fakatotonu ala na tuku e le Eteleno kia Moisese.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.

Sosue 14:5

Na mulimuli loa a fanau a Iselaele ki fakatotonu ala na tuku e le Eteleno kia Moisese, ti na lotou vae loa le fenua.

Sosue 2:21

Na pati loa le fafine : Ke fai o mulimuli ki nea ala kua kolua pati ki ai. Ti na tuku loa e le fafine a tagata esipio ke ano, ti na la ano loa. Na nonoa loa e le fafine le va kula ki le katupa.

Sosue 4:8

Na fai loa e fanau a Iselaele le nea leia na fakatotonu e Sosue kia latou. Na lotou too loa a fatu e kau agafulu tupu lua i loto malie o le Solotane, o mulimuli ki le nea leia na fakasa e le Eteleno kia Sosue, o fakafuafua ki le lasi o faasiga o Iselaele. Na lotou ave loa latou mo latou ti na lotou tuku loa latou i le ganea leia na lotou nonofo ai i le po lena.