Ekesote 12:23 - Tosi Tapu

²³ Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Ekesote 12:23 Iomraidhean Croise

Lua tosi a Samuele 24:16

I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Sopo 14:13

Oi, ka na ke loto fua ke fufu au i le nofoaga o le kau mate, Ke kau mumuni ai o kaku ki le oki o lou sausau, Ti ka na ke fakatotonu fua se temi leia e ke toe manatu ai loa kiate au !

Ekesote 11:4

Na pati loa Moisese : Ko leinei le folafola a le Eteleno : I lotomalie o le pouli, e kau fakalaka loa i Esipito ;

Ekesote 12:7

E too loa le toto o le manu, o takai ai a pou e lua mo le kau matapa o le matapa o fale ala e kai ai loa le manu.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 37:36

Na ulu mai loa le aselo o le Eteleno, o tamate i le nofolaga solia o le kau Asilia, a tagata solia e tino lelau tino valu tupu lima afe. I le ala usu ake, ko leinei kua lotou mamate fuli.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Esekiele 9:6

Kotou tamate, kotou maumaui a matua, mo tagata muli, mo taineliki taupoou, mo toe liliki, mo fafine ; kae aua na kotou fakafeofi loa ki se tasi leia e nofo loa mo se fakamailoga i lona lae ; kotou kamata i loku fale tapu ! Na lotou kamata loa i le kau matua ala na nonofo i mua o le fale tapu.

Uluaki tosi ki le kau Kolinto 10:10

Aua na kotou lauga, ofaipe le fai a ni iki o latou, ala na tamate loa e le aselo o le malaia.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Apokalipisi 7:3

Aua na kotou tautea le kele, mo le tai, mo laakau, o kaku ki le oki o lamatou fakamailoga a lae o tagata fakasausau o lotatou Atua.

Apokalipisi 9:4

Ti na pati loa kia latou ke aua na lotou fai ia se nea veli ki le mutie o le kele, mo le vao sesega, ti mo laakau, kae ke gato fai ki tagata ala e leaise maua ia le fakamailoga o le Atua i olatou lae.