Ekesote 12:22 - Tosi Tapu

²² E kotou too loa se taulu isopa, e kotou fakasusu loa a ia ki le toto leia e tuku loa i le pesini, ti e kotou takai loa le kau matapa mo fa pou e lua o le matapa, ki le toto leia e tuku loa i le pesini. E leaise toe mavae loa se tasi o koutou mei lona fale o kaku ki le usu.

Ekesote 12:22 Iomraidhean Croise

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Ekesote 12:7

E too loa le toto o le manu, o takai ai a pou e lua mo le kau matapa o le matapa o fale ala e kai ai loa le manu.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Mateo 26:30

I le oki o le sua katiko, na lotou ano loa ki le mauga o Oliveto.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Epelo 9:1

Ko leinei, na maua maoki foki e le uluaki sai ni fakatotonu ki le atolasio, ti mo se sagatualio i le malama nei.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Epelo 9:19

Ko Moisese, i le oki o lana fakasa i mua o le kakai katoa a fakatotonu fuli o le lao, na too ia loa le toto o uviki pipi mo koti, mo se vai, mo se kie kula, mo se taulu isopa, ti na fai loa e ia le afusi ki le tosi lao totonu ti mo le kakai katoa, o pati :

Sosue 2:19

Kapau e mavae kese loa se tasi mei lou fale, ti e pule loa a ia toka tasi ki lona mate ti e ma mea loa i le nea lena. Kae kapau e fafa loa ki se tasi leia e nofo mo koe i lou loto fale, ti e vilo loa lona toto ki oma ulu.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !