Ekesote 12:17 - Tosi Tapu

¹⁷ E kotou tausi loa le aso o pane sala fakatupu, talie ko le aso a ia leia na kau fakamavae ai akoutou kau tau i le fenua o Esipito ; e kotou taupau loa le aso lena ofaipe se lao ke tuku sosolo ki okoutou sakoga.

Ekesote 12:17 Iomraidhean Croise

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 12:24

Kotou tausi loa le nea lena ofaipe se lao kia koutou mo akoutou fanau o lee gato.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 12:6

E kotou taupau loa le manu o kaku ki le aso kau agafulu tupu fa o le masina leinei ; ti e tamate loa a ia e le fakatasiga katoa o Iselaele i le afiafi pouli o le aso lena.

Ekesote 13:10

E ke taupau loa le fakatotonu leinei i le temi leia kua fakatuutuu ki ai, i fetuu fuli.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:8

E ke pati loa ki lou vosa : E fakamanatu i le nea leinei le nea leia na fai e le Eteleno kiate au, i le aso leia na kau mavae ai i Esipito.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Ekesote 6:26

Ko le Alone foki lena mo le Moisese lena, ala na pati ki ai le Eteleno : Kolua fakamavae mei Esipito a fanau a Iselaele, o mulimuli ki alatou kau tau.

Ekesote 7:5

E iloa loa e le kau Esipito ko au ko le Eteleno, i le aso leia e kau folasi ai loa loku lima ki Esipito, ti e kau fakamavae loa mei loto malie o latou a fanau a Iselaele.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.