Ekesote 12:16 - Tosi Tapu

¹⁶ I le uluaki aso, e kotou fai loa se fakatasi tapu ; ti i le fitu o aso, e kotou toe fai loa se fakatasi tapu. E leaise fai loa se gaoi i aso ana ; ko le nea e tasi leia e fakataga ko le teuteui o le nea kai a le tagata taki toka tasi.

Ekesote 12:16 Iomraidhean Croise

Ekesote 16:23

Ti na pati loa Moisese kia latou : Ko le nea lena leia na fakatotonu e le Eteleno. Ko apogipogi ko le aso malolo, ko le sapato tapu a ia ki le Eteleno ; kotou fakamoso le nea leia e tonu ke fakamoso, kotou fakapula le nea leia e tonu ke fakapula, ti kotou tuku ki le usu le nea leia e toe loa.

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekesote 16:5

I le ono o aso, ka lotou teuteui loa le nea leia na lotou aga o tae, e lotou maua loa le liuga lua o le nea leia e lotou tae loa i aso taki tasi.

Ekesote 20:10

Kae ko le fitu o aso ko le aso malolo a ia o le Eteleno, lou Atua : e leaise ke toe fai loa se gaoi, tatau fai a koe, mo lou vosa, mo lou taine, mo lau tagata fakasausau, mo lau fafine fakasausau, mo lau manu, ti mo le matapule leia e nofo i lou lotoa.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Esaia 1:13

Kotou tuku le aumai o moliga noa : E kau fakalialia ki le iseso, Mo masina foou, mo sapato ti mo fakatasiga ; E leaise kau mafai ia le tio ki le tukipo i aso lalasi.

Levitiko 23:21

I le aso fai lena, e kotou fakasa loa le aso lasi, ti e kotou fai loa se fakatasi tapu : aua na kotou fai loa se gaoi masani. Ko se lao tuku sosolo a ia ki okoutou tautupu, i ganea fuli ala e kotou nonofo ai loa.

Levitiko 23:27

Ko le aso kau agafulu o le fitu o masina, ko le aso lasi loa a ia o le fakamalie : E kotou fai loa se fakatasi tapu, ti e kotou sesunio loa, ti e kotou momoli loa ki le Eteleno ni sakilifisio tutu e le afi.

Levitiko 23:35

I le uluaki aso, e fai loa se fakatasi tapu : aua na kotou fai loa se gaoi masani.

Numelo 28:18

I le uluaki aso o le temi lena, e fai loa se fakatasi tapu : e leaise kotou fai loa se gaoi fakamalama.

Numelo 28:25

Ko le fitu o aso, e kotou fai loa se fakatasi tapu : e leaise kotou fai loa se gaoi fakamalama.

Numelo 28:26

Ko le aso o uluaki fua, leia e kotou ave ai loa se moliga ki le Eteleno, i magiti o le taukai foou, e kotou fai loa se fakatasi tapu, ti e leaise kotou fai loa se gaoi fakamalama.

Numelo 29:1

I le uluaki aso o le masina fitu, e kotou fai loa se fakatasi tapu : E leaise kotou fai loa se gaoi fakamalama. E fakasa loa le aso lena ki le leo makeke o fakatagi pupusi.

Numelo 29:12

I le aso kau agafulu tupu lima o le masina fitu, e kotou fai loa se fakatasi tapu : e leaise kotou fai loa se gaoi fakamalama. E kotou fai loa se aso fakafiafia ki le Eteleno, i le lolotoga o ni aso e fitu.

Soane 19:31

Ko le aso teuteu lena ki le sapato, ti na leaise loto le kau Sutea ke tuku a tino i koluse i le lolotoga o le sapato, talie ko le sapato lena ko se aso lasi a ia ; koia na lotou kole ai loa kia Pilato ke fatifatii a vae o latou ala na kulusifiko, ti ke too a tino mei koluse.

Tetelonome 16:8

I aso e ono, e ke kai loa ni pane sala fakatupu ; kae i le fitu o aso e ke fai loa se fakatasi lasi ki le Eteleno, lou Atua : ke aua na ke fai loa se gaoi.