Ekesote 12:15 - Tosi Tapu

¹⁵ I aso e fitu, e kotou kai loa ni pane sala fakatupu. E kamata loa mei le uluaki aso, e leaise toe maua loa se fakatupu i okoutou fale ; talie ko tagata fuli ala e kai loa ki se pane fakatupu, mei le uluaki aso o kaku ki le fitu o aso, e tuuti loa a ia mei Iselaele.

Ekesote 12:15 Iomraidhean Croise

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Lua tosi o Koloniko 30:21

Koia na fai ai loa e fanau a Iselaele ala na nonofo i Selusalemi le aso o pane sala fakatupu, i aso e fitu, mo se fiafia lasi ; ti na fai le kau Levi mo le kau tagata faisakilifisio i aso taki tasi a sua fakavikiviki ki le Eteleno mo alatou nea fai musika, o leo lasi kiate ia.

Esetalasi 6:22

Na lotou fakamanatu loa i le fiafia le aso o pane sala fakatupu i ni aso e fitu, talie na tuku e le Eteleno le fiafia ki olatou loto i lana soli le loto malie ki le sau o Asilia ke tokoi kia latou i le gaoi o le fale o le Atua o Iselaele.

Ekesote 12:8

I le po lena, e kai loa le kanofi o le manu, leia kua tunu i le afi, mo ni pane sala fakatupu ti mo ni lau laakau kona.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Ekesote 30:33

Ko leia e fai ia loa se lolo ofaipe le lolo lena, pe pani loa ki ai se tagata kese, e tuuti loa a ia mei lona kakai.

Ekesote 30:38

Ko leia e fai ia loa se kaloni fenaaki ke sauga a ia ki ai, e tuuti loa a ia mei lona kakai.

Ekesote 31:14

E kotou tausi loa le sapato, talie ko se aso tapu lena kia koutou. Ko leia e maumaui ia loa a ia, e tua loa a ia ki le mate ; ko leia e fai ia loa se gaoi i le aso lena, e tuuti loa a ia mei lona kakai.

Ekesote 34:18

E ke tausi loa le aso o pane sala fakatupu, i ni aso e fitu, i le temi leia kua fakatuutuu ki ai i le masina ko Apipi : e ke kai loa ni pane sala fakatupu, o fai ki le nea leia na kau fakatotonu atu kiate koe, talie na ke mavae i le masina lena mei Esipito.

Ekesote 34:25

Aua na ke momoli fakatasi loa mo se pane fakatupu le toto o le vikitima leia kua momoli mai kiate au ; ti aua na ke tuku loa le sakilifisio o le Pasikate mei le pouli ke kaku ki le usu.

Levitiko 17:10

Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Levitiko 17:14

Talie ko le mauli o kanofi fuli, ko lona toto, leia e nofo iate ia. Koia leia na kau pati ai ki fanau a Iselaele : ke aua na kotou kai loa le toto o se manu fua, talie ko le mauli o kanofi fuli ko lona toto. Ko leia e kai ia loa a ia e tuuti loa a ia mei lona kakai.

Malakia 2:12

E motusi loa e le Eteleno le tagata leia e fai ia le nea lena, leia e alaala mo leia e tali, E motusi loa e ia a ia i falela o Sakopo, Ti motusi loa e ia leia e fai ia se moliga Ki le Eteleno o kau tau.

Numelo 28:17

Ko le aso kau agafulu tupu lima o le masina lena ko se aso fakafiafia loa a ia. E kai loa i aso e fitu ni pane sala fakatupu.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Mateo 16:12

Ti na lotou matala loa i ai na leaise masau a ia ki le fakatupu leia o le pane, kae ki le akonaki a le kau faliseo mo le kau Satuseo.

Luka 12:1

I le temi lena, na fakatasi ake loa le kakai o lau i afe, ti kua lotou fetakatakafiaki foki, na kamata masau loa Sesu ki ana tisipulo : Kotou tokaga ki le fakatupu a le kau faliseo, leia ko le malualoi.

Luka 2:43

Ti i le oki o aso ana, na lotou toe liliu loa, kae na nofo loa le fanau ko Sesu i Selusalemi : Na leaise iloa loa e lona tamana mo lona tinana.

Gaoi 12:3

I lana tio na ano malie le nea a ia ki le kau Sutea, na fakatotonu loa e ia ke toe too foki mo Petelo. Ko aso ana o pane sala fakatupu.

Kalate 5:12

Amusia ake ke tuuti latou ala e fakatupu maveuveu ia koutou !

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.

Tetelonome 16:5

Ke aua na ke momoli loa le Pasikate i se tasi ake ganea o potu ala e tuku atu loa e le Eteleno ke ke nofo ai ;

Tetelonome 16:8

I aso e ono, e ke kai loa ni pane sala fakatupu ; kae i le fitu o aso e ke fai loa se fakatasi lasi ki le Eteleno, lou Atua : ke aua na ke fai loa se gaoi.