Ekesote 12:12 - Tosi Tapu

¹² I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 12:12 Iomraidhean Croise

Uluaki tosi o Koloniko 14:12

Na tiaki loa e le kau Filisitini i le ganea lena olatou atua, ala na tutu loa i le afi o mulimuli ki le fakatotonu a Tavite.

Pesalemo 135:8

Na taai loa e ia a uluaki tupu o Esipito, Mei tagata o kaku ki manu.

Pesalemo 82:1

Pesalemo a Asafe. E agai le Atua i le fakatasiga a le Atua ; E fakamaau a ia i loto malie o atua.

Pesalemo 82:6

Na kau pati : ko koutou ko ni atua, Ko koutou ko vosa fuli o le Taualuga.

Pesalemo 91:7

Pe mamate se tino afe i ou tafa, Ti mo se tino agafulu afe i lou lima atamai, E leaise soko loa a ia o ofi kiate koe.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 12:23

Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Ekesote 21:6

ti e taki loa a ia e lona pule ki mua o le Atua, ti e fakafeofi loa e ia a ia ki le matapa pe ko se pou o le matapa, ti e puui loa e lona pule lona taliga ki se tui, ti e gaoi loa a ia ki lona pule o tuumau.

Ekesote 22:28

Aua na ke lauveli loa ki le Atua, ti e leaise ke lauveli loa ki le pule o lou kakai.

Ekesote 6:2

Ti na toe masau loa le Atua kia Moisese : Ko au ko le Eteleno.

Ekesote 9:6

Ti na fai loa e le Eteleno le nea lena i leia ake a aso. Na mamate loa a kau manu fuli a le kau Esipito, kae na leaise mate fua se manu e tasi i kau manu a fanau a Iselaele.

Esaia 19:1

Folafola ki Esipito. Ko leinei, kua eke le Eteleno i se ao gasolo, o au ki Esipito ; Ti kua lulu a taulaatua o Esipito i ona mua, Ti kua gaegae le loto o le kau Esipito.

Selemia 43:12

E tuku loa e ia le afi ki fale o atua o Esipito ; e tutu loa e Nepukatenesale a taulaatua, pe ave popula loa e ia latou ; ti e pulupulu loa a ia ki le fenua o Esipito ofaipe le tagata tausi ovi leia e takatakai ki lona taupulupulu, ti e mavae loa a ia mei Esipito i le tokamalie.

Selemia 43:13

E fatifatii loa e ia a fakatata o Pete-Semesi, i le fenua o Esipito, ti e tutu loa e ia ki le afi a fale o atua o Esipito.

Selemia 46:25

E pati le Eteleno o kau tau, le Atua o Iselaele : Ko leinei, e kau tautea loa Amone, le atua o No, Falaone, mo Esipito, mo ona atua ti mo ona sau, Falaone ti mo latou ala e fanaki kiate ia.

Esekiele 12:16

Kae e kau fakatoe loa ia latou ni tagata Ala e sao loa i le seleta, mo le oge, ti mo le taumasaki, O tupu ke lotou fakamatala alatou aga fakalialia fuli I puleaga ala e lotou ano loa ki ai. Ti e lotou iloa loa ko au ko le Eteleno.

Amosi 5:17

I vite fuli e tagi laulau loa, I le aso leia e kau fakalaka ai loa i loto malie o ou, e pati le Eteleno.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Numelo 33:4

Kae na tanu loa e le kau Esipito i le aso lena latou ala na tautea e le Eteleno ia latou, a uluaki fuli ; na fai foki e le Eteleno ni fakamaau ki atua o Esipito.

Uluaki tosi a Samuele 5:3

I le apogipogi ake, na alaala mafoata loa le kakai o Asetoti, ti ko leinei, kua vilo Takone o fakapulou ki le kele, i mua o le aleka o le Eteleno, ti na lotou toe fakatuu loa a ia ki lona tuuaga.

Uluaki tosi a Samuele 6:5

Kotou fai ni fakatata o okoutou masaki mo ni fakatata o okoutou kimoa ala e maumaui ia le fenua, ti ke kotou tuku le fakakololia ki le Atua o Iselaele : E lagi fakamaamaa loa e ia lona lima kia koutou, mo okoutou atua, mo lokoutou fenua.