Ekesote 11:8 - Tosi Tapu

⁸ Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Ekesote 11:8 Iomraidhean Croise

Uluaki tosi o Sau 20:10

Na toe kakau loa e Pene-Atate ke pati kia Akapo : Ke tautea au e atua ki lolatou makeke katoa, mo kapau e kau tuku loa i Samalia se efui fatu ke tasi mo ia laku kau solia katoa o fakaapele lona alofilima !

Lua tosi o Sau 3:9

Na ano loa le sau o Iselaele, mo le sau o Suta, ti mo le sau o Etome ; I le oki o lalatou saele i aso e fitu, na leaise koi maua loa se vai ki le solia mo manu.

Neemia 5:6

Na kau ita lasi ai i laku logo ki alatou tagi mo masau ana.

Pesalemo 6:1

Ki le pule o le kau sua. Mo nea faimusika va. Ki le alepe va valu. Pesalemo a Tavite.

Ekesote 10:29

Na tali loa Moisese : Kua ke pati ki ai, e leaise kau toe sa loa i ou mua.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Numelo 12:3

Ti na logo loa le Eteleno ki le nea lena. Ko leinei, na agamalu ai le tagata ko Moisese, o lasi ake i tagata fuli ala kua mauli i aluga o le kele.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Tetelonome 29:24

e pati loa puleaga fuli ana : Kolea na fai fenaaki ai e le Eteleno ki le fenua leinei ? Kolea kua veli fenaaki ai le sausau o le Eteleno ?

Tetelonome 32:24

E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Tuifakamaau 4:10

Na pati loa Palaki ke nake ki Ketesi a Sapulone mo Nefetali ; na saele loa se kau tagata e tino agafulu afe i ona muli, ti na ano loa Tepola mo ia.

Tuifakamaau 8:5

Na pati loa Seteone ki le kakai o Sukoti : E kau kole atu kia koutou ke kotou soli ni fa pane ki tagata anei e ano mo au, talie kua lotou gagae, ti e kau tuli a sau o Matiane ko Sepaki mo Salamuna.