Ekesote 11:4 - Tosi Tapu

⁴ Na pati loa Moisese : Ko leinei le folafola a le Eteleno : I lotomalie o le pouli, e kau fakalaka loa i Esipito ;

Ekesote 11:4 Iomraidhean Croise

Lua tosi a Samuele 5:24

Ka ke logo loa ki le pakaka o se saele i tumutumu o mulie, ti ke fakatavili loa talie kua saele le Eteleno i ou mua o taui le solia a le kau Filisitini.

Sopo 34:20

I se kemo o le mata, e lotou mamate ; I loto malie o le pouli, e siga se puleaga, o mate ; Ti e puli le tagata makeke, sala mo le lima o se tagata.

Pesalemo 60:10

Ko Moape ko le fa tane leia e kau maanu ai ; E kau ti loku fa taka ki Etome ; Fenua o le kau Filisitini, ke ke fai ni kalaga fakafiafia kiate au !

Pesalemo 81:5

Talie ko se lao a ia ki Iselaele, Ko se fakatotonu a le Atua o Sakopo.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 12:23

Ka fakalaka loa le Eteleno o taai Esipito, e tio loa a ia ki le toto i le kau matapa mo fa pou e lua, ti e fakasili loa le Eteleno i aluga o le matapa, e leaise fakataga loa e ia ke ulu le aselo maumau ki okoutou fale, o tamate koutou.

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Amosi 5:17

I vite fuli e tagi laulau loa, I le aso leia e kau fakalaka ai loa i loto malie o ou, e pati le Eteleno.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Mateo 25:6

I le vaeluapo, na kalaga loa : Ko leinei le tagata avaga, kotou ano o fakafelavei kiate ia !