Ekesote 11:10 - Tosi Tapu

¹⁰ Na fai loa e Moisese mo Alone a milakulo fuli ana i mua o Falaone, ti na fakafefeka loa e le Eteleno le loto o Falaone leia na leaise tuku ia loa fanau a Iselaele ke mavae i lona fenua.

Ekesote 11:10 Iomraidhean Croise

Sopo 9:4

A ana le poto mo le mafimafi : Ko ai leia e fakatutuu kiate ia kae leaise tautea a ia ?

Ekesote 10:20

Na fakafefeka loa e le Eteleno le loto o Falaone, ti na leaise tuku loa e Falaone a fanau a Iselaele ke ano.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 12:1

Na pati loa le Eteleno kia Moisese mo Alone i le fenua o Esipito :

Ekesote 3:19

E kau iloa e leaise tuku loa koutou e le sau o Esipito ke ano, mo kapau e leaise fafa loa se lima makeke kiate ia.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?