Ekesote 11:1 - Tosi Tapu

¹ Na pati loa le Eteleno kia Moisese : E kau toe tuku loa se tautea fakaoki kia Falaone mo Esipito. Ka oki loa le nea lena, e tuku loa koutou e Falaone ke mavae i leinei. Ka tuku loa e ia koutou ke ano, e kapu loa e ia koutou ke mavae oki i leinei.

Ekesote 11:1 Iomraidhean Croise

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Sopo 10:17

E ke fakafoou lau kau fakamaoki kiate au, Ti e ke fakalasi lou sausau kiate au, Ti e ke toe tuku sosolo mai kiate au ni malaia.

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Levitiko 26:21

Ti kapau e kotou fakatutuu aifai kiate au, ti kapau e leaise kotou fia fakalogo aifai kiate au, e kau toe liuga loa kia koutou o tua fitu le tautea o lakoutou agasala.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Apokalipisi 16:9

Ti na tutu loa a tagata e se vevela lasi, ti na lotou lauveli loa ki le suafa o le Atua, leia e pule ki malaia ana, kae na leaise lotou fakasemala o fakakololia ki le Atua.

Uluaki tosi a Samuele 6:4

Na pati loa le kau Filisitini : Kolea le moliga ke motou fai loa kiate ia ? Na lotou tali loa : Ke kotou momoli kiate ia ni fakatata aulo e lima o okoutou fufula mo ni kimoa aulo e lima, o fakatatau ki le api o pule e lima o le kau Filisitini, talie ko le tautea e tasi leia kua vilo kia koutou mo okoutou pule.