Ekesote 10:9 - Tosi Tapu

⁹ Na tali loa Moisese : E motou ano loa mo amatou fanau mo lomatou kau matua, mo omatou vosa, mo omatou taine, mo amatou ovi, ti mo amatou pipi ; talie e tonu ke motou fai se aso fakafiafia ki le Eteleno.

Ekesote 10:9 Iomraidhean Croise

Senesi 50:8

mo le fale katoa o Sosefo, mo ona fetaina, mo le fale katoa o lona tamana. Na gato fai ki toe liliki, mo ovi, ti mo pipi, na tuku loa i le fenua o Koseni.

Ekesote 10:10

Na pati loa Falaone kia laua : Ke nofo le Eteleno mo koutou, ofaipe laku tuku koutou ke ano, koutou mo akoutou fanau ! Ke kotou tokaga talie e tuu le malaia i okoutou mua !

Ekesote 10:26

E ano loa amatou kau manu mo matou, ti e leaise toe tuku loa se ga matininia fua e tasi i leinei ; talie e tonu ke motou filifili i nea ana le nea leia ke motou momoli ki le Eteleno, lomatou Atua ; ti e leaise motou iloa le nea leia e motou filifili loa ke momoli ki le Eteleno, kae e leikiaise motou kaku ki le ganea leia e tonu ke motou ano ki ai.

Ekesote 12:32

Kotou too akoutou ovi mo akoutou pipi, o mulimuli ki le nea leia na kolua pati ki ai ; kotou ano, ti kotou tapuaki mai kiate au.

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 12:38

Na pale fakatasi loa mo latou se kakai kese leia na toka api ; ti na lotou maua ia foki ni kau manu lalasi, mo ni ovi, ti mo ni pipi.

Ekesote 13:6

I aso e fitu, e ke kai loa ni pane sala fakatupu ; ti e ke fai loa i le fitu o aso se aso lasi ki le Eteleno.

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Ekesote 5:1

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o Iselaele : Tuku ke ano loku kakai, ke fai e ia se aso fakafiafia kiate au.

Ekesote 5:3

Na la pati loa : Kua sa mai le Atua o le kau Epeleo kia maua. Fakataga mai ke motou fai ni aso saele e tolu i le toafa, ti ke motou momoli ni sakilifisio ki le Eteleno, o tupu ke aua na tautea e ia matou ki le taumasaki mo le seleta.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Ekelesiasi 12:1

Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

Numelo 29:12

I le aso kau agafulu tupu lima o le masina fitu, e kotou fai loa se fakatasi tapu : e leaise kotou fai loa se gaoi fakamalama. E kotou fai loa se aso fakafiafia ki le Eteleno, i le lolotoga o ni aso e fitu.

Efeso 6:4

Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.