Ekesote 10:7 - Tosi Tapu

⁷ Na pati loa tagata fakasausau a Falaone kiate ia : E kaku loa kiafea le nofo o le tagata leinei ko se malaia kia tatou ? Tuku le kakai lena ke ano, ti ke lotou tausi le Eteleno, lolatou Atua. Pe leikiaise ke tio ki le mate o Esipito ?

Ekesote 10:7 Iomraidhean Croise

Pesalemo 107:34

Le kele mauli ko se kele kaka, O tupu ko le agaveli o lona kakai.

Ekesote 12:33

Na ekenaki loa le kakai e le kau Esipito ke mavae fakavilivili i le fenua, talie na lotou pati : E motou mamate fuli loa.

Ekesote 23:33

E leaise lotou nofo loa i lou fenua, talie ke aua na lotou fakasalai loa a koe o ke agasala ai loa kiate au ; talie kapau e ke tausi loa ki olatou atua, ti e liliu loa le nea lena ko se masele kiate koe.

Ekesote 7:5

E iloa loa e le kau Esipito ko au ko le Eteleno, i le aso leia e kau folasi ai loa loku lima ki Esipito, ti e kau fakamavae loa mei loto malie o latou a fanau a Iselaele.

Ekesote 8:19

E kau fai loa se fakamailoga i loku kakai mo lou kakai. Ti e soko loa le fakamailoga lena i apogipogi.

Taagapati 29:6

E i ai se masele i le agasala a le tagata agaveli, Kae e malo le tagata agatonu ti e fiafia.

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Esaia 14:20

E leaise tanu fakatasi loa a koe mo latou i le tanuma, O tupu na ke maumaui lou fenua, ti na ke tamate lou kakai : E leaise toe masau loa i se aso ki le sakoga o le kau agaveli.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Selemia 48:4

Kua fati Moape ! Kua logo ana tagi o kaku ki Soa.

Selemia 51:8

Fokifa kua vilo Papilone, o fatifati ! Kotou tagi kiate ia, kotou too se lolo ke faitoo ai lona lavea. E lagi toe mauli loa a ia !

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Uluaki tosi ki le kau Kolinto 7:35

E kau fakasa le nea lena ke aoga kia koutou : e leaise tupu ke maselei ai koutou, kae ke amo ai koutou ki le nea leia e malie mo aoga ke kotou pipiki ai ki le Aliki sala fakavisi.

Sosue 23:13

ke kotou iloa fakapapau e leaise toe kapu loa e le Eteleno, lokoutou Atua, a puleaga ana i okoutou mua ; kae e liliu loa a puleaga ana kia koutou ko ni kupega mo ni masele, ko ni fue i okoutou vakavaka, ko ni laakau talatala i okoutou mata, o kaku ki lokoutou pupuli loa i le fenua malie leia na soli atu kia koutou e le Eteleno, lokoutou Atua.

Uluaki tosi a Samuele 18:21

Na pati Saulo i lona loto : E kau soli loa a Mikale kia Tavite, o tupu ke liliu a ia ko se masele kiate ia, ti ke vilo a ia ki lima o le kau Filisitini. Ti na pati loa Saulo kia Tavite, ko lona tua lua lena : E ke liliu loa i le aso nei ko loku fugao.

Uluaki tosi a Samuele 5:11

Na lotou afa loa ke fakatasii kia latou a pule fuli o le kau Filisitini, ti na lotou pati loa : Ke kotou toe fakaliliu le aleka o le Atua o Iselaele ; ke toe liliu a ia ki lona nofoaga, ti ke aua na fakamate e ia tatou mo lotatou kakai. Talie kua mafola loa se i lasi i le kolo katoa ; na mamafa loa i ai le lima o le Atua.