Ekesote 10:3 - Tosi Tapu

³ Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 10:3 Iomraidhean Croise

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Uluaki tosi o Sau 21:29

Pe kua ke tio ki le fakataulalo a Akapo i oku mua ? Talie kua fakataulalo a ia i oku mua, e leaise kau tuku loa le malaia i le temi o lona mauli, kae kau fakavilo loa a ia ki lona fale i le lolotoga o le mauli o lona vosa.

Lua tosi o Sau 22:19

O tupu na lave loa le nea lena ki lou loto, o tupu na ke fakataulalo i mua o le Eteleno i lau logo ki le nea leia na kau fakasa o uiga mo le ganea leinei mo lona kakai, ala e liliu loa ko se nea fakaii ti ko se nea fakatupu malaia, talie na ke sae ou kofu ti na ke tagi i oku mua, ko au foki, na kau logo ki ai, ko le pati leinei a le Eteleno.

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Ekesote 10:4

Kapau e leaise ke tuku loa loku kakai ke ano, ko leinei e kau kakau mai loa i le aso apogipogi ni seseivaka ki le kele katoa o lou fenua.

Ekesote 16:28

Ti na pati loa le Eteleno kia Moisese : E tuku loa afea lakoutou patigataa ki aku fakatotonu mo aku lao ?

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Ekesote 5:1

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o Iselaele : Tuku ke ano loku kakai, ke fai e ia se aso fakafiafia kiate au.

Ekesote 9:17

Kapau e ke toe fia malaga ki loku kakai, ti kapau e leaise ke tuku a ia ke ano,

Taagapati 1:22

Ei kau vale, e kaku loa kiafea lakotou oli ki le valea ? E kaku loa kiafea le fiafia a le kau fakagologolo i le gologolo ? E kaku loa kiafea le vesia a le kau vale ki le poto ?

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Taagapati 18:12

I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Selemia 13:10

Ko le kakai agaveli lena, leia e leaise fia fakalogo ki aku folafola, Leia e mulimuli ki oli o lona loto, Leia e ano ki ni iki atua kese O tausi kia latou ti mo tulolo i olatou mua, Ke liliu a ia ofaipe le kilipipi leinei, Leia e leaise koi aoga ki se nea !

Selemia 13:18

Pati ki le sau mo le fafine sau : Kolua tonatona ki le kele ! Talie kua vilo mei okoulua ulu Le pala fakasau leia na teu fakaaliki ia koulua.

Selemia 50:29

Kotou kalagai ki Papilone le kau faikalolo, koutou fuli ala e poto i le kalolo ! Kotou takatakai a ia, ke aua na sao se tasi ! Kotou totogi kiate ia o mulimuli ki ana gaoi ! Kotou fai katoa kiate ia o mulimuli ki le nea na fai e ia ! Talie na malaga a ia i le fia nealasi ki le Eteleno, Ki le Sagato o Iselaele.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Taniela 5:22

Ti ko koe, Pelesatesale, lona vosa totonu, na leaise ke fakataulalo, logo ai na ke iloa a nea fuli ana.

Numelo 14:27

E kaku loa kiafea laku tuku le kakai agaveli leinei ke lalau kiate au ? Kua kau logo ki lalau o vosa o Iselaele ala na fai kiate au.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Sakopo 4:10

Kotou fakataulalo i mua o le Aliki, ti e siki loa e ia koutou ki aluga.

Uluaki tosi a Petelo 5:6

Koia ke kotou fakataulalo ai i lalo o le lima mafimafi o le Atua, o tupu ke siki e ia koutou i le aso totonu ;