Ekesote 10:26 - Tosi Tapu

²⁶ E ano loa amatou kau manu mo matou, ti e leaise toe tuku loa se ga matininia fua e tasi i leinei ; talie e tonu ke motou filifili i nea ana le nea leia ke motou momoli ki le Eteleno, lomatou Atua ; ti e leaise motou iloa le nea leia e motou filifili loa ke momoli ki le Eteleno, kae e leikiaise motou kaku ki le ganea leia e tonu ke motou ano ki ai.

Ekesote 10:26 Iomraidhean Croise

Ekesote 10:25

Na tali loa Moisese : E ke tuku mai loa, e koe totonu, ki omatou lima le nea leia e aoga ki amatou sakilifisio mo amatou failaulau ala ka motou momoli loa ki le Eteleno, lomatou Atua.

Ekesote 10:9

Na tali loa Moisese : E motou ano loa mo amatou fanau mo lomatou kau matua, mo omatou vosa, mo omatou taine, mo amatou ovi, ti mo amatou pipi ; talie e tonu ke motou fai se aso fakafiafia ki le Eteleno.

Ekesote 12:32

Kotou too akoutou ovi mo akoutou pipi, o mulimuli ki le nea leia na kolua pati ki ai ; kotou ano, ti kotou tapuaki mai kiate au.

Ekesote 8:27

Na fai loa e le Eteleno le nea leia na kole e Moisese ; ti na fakamamao loa e ia a lago meia Falaone, mo ana tagata fakasausau, ti mo lona kakai. Na leaise toe maua loa se fa lago fua e tasi.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Sakalia 14:20

I le aso lena, e tosi loa i ga pele o osi : Maokioki ki le Eteleno ! Ti e fai loa a kulo o le fale o le Eteleno Pe ipu ala i mua o le aletale.

Lua tosi ki le kau Kolinto 8:5

Ti na leaise gato fua i lalatou kau ki ai ofaipe lama amanaki malie ki ai, kae na lotou soli mua latou totonu ki le Aliki, ti oki kia maua, i le finegalo o le Atua.

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.