Ekesote 10:25 - Tosi Tapu

²⁵ Na tali loa Moisese : E ke tuku mai loa, e koe totonu, ki omatou lima le nea leia e aoga ki amatou sakilifisio mo amatou failaulau ala ka motou momoli loa ki le Eteleno, lomatou Atua.

Ekesote 10:25 Iomraidhean Croise

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Ekesote 10:24

Na kalagai loa e Falaone a Moisese, o pati : Kotou ano, o tausi ki le Eteleno. E tuku loa akoutou ovi mo akoutou pipi, kae e feala loa ke ano akoutou fanau mo koutou.

Ekesote 10:26

E ano loa amatou kau manu mo matou, ti e leaise toe tuku loa se ga matininia fua e tasi i leinei ; talie e tonu ke motou filifili i nea ana le nea leia ke motou momoli ki le Eteleno, lomatou Atua ; ti e leaise motou iloa le nea leia e motou filifili loa ke momoli ki le Eteleno, kae e leikiaise motou kaku ki le ganea leia e tonu ke motou ano ki ai.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Levitiko 16:9

Ti e ave loa e ia le koti tagata leia kua fakasa e le toso ke tuku ki le Eteleno, ti e momoli loa e ia a ia ki le fakamalie.

Levitiko 9:22

Ka oki loa le momoli e Alone o le sakilifisio o le fakamolemole, mo le failaulau, ti mo le sakilifisio o le komunio, e siki loa e ia ona lima ki aluga, o tapuaki ki le kakai, ti ifo ake loa a ia i le aletale.