Ekesote 10:23 - Tosi Tapu

²³ Na leaise toe mafai loa ke fetioaki, ti na leaise toe malaga loa se tasi mei lona nofolaga i aso ana e tolu. Kae na maua loa le malama i ganea leia na nonofo ai a fanau a Iselaele.

Ekesote 10:23 Iomraidhean Croise

Ekesote 14:20

Na tuu loa le ao i le vasa o le kau tau a le kau Esipito mo le kau tau a le kau Iselaele. Na fakapouli le ao lena i le tasi fetuu, ti na fakamalama e ia i leia ake fetuu le pouli. Ti na leaise mafai loa ke fakafeofi a kau tau e lua i le po katoa.

Ekesote 7:25

Na sili loa aso e fitu ki le tautea e le Eteleno o vai o le vaitafe.

Ekesote 8:18

Kae, i le aso lena, e kau fakamailoga kese loa le fenua o Koseni leia e nofo ai loku kakai ; e leaise maua loa i ai se fa lago, o tupu ke ke iloa ko au ko le Eteleno, e kau nofo i loto o le fenua lena.

Ekesote 8:19

E kau fai loa se fakamailoga i loku kakai mo lou kakai. Ti e soko loa le fakamailoga lena i apogipogi.

Ekesote 8:22

Na tali loa Moisese : E leaise malie le nea lena ; talie e motou momoli loa ki le Eteleno, lomatou Atua, ni sakilifisio ala e fakalialia ki le kau Esipito. Ti kapau e motou momoli loa i olatou mua ni sakilifisio ala e fakalialia ki le kau Esipito, pe leaise lotou tuki fatui loa matou.

Ekesote 9:26

Na gato fai ki le fenua o Koseni, leia na nofo ai fanau a Iselaele, na leaise to ai loa se ua fatu.

Ekesote 9:4

E vaei kese loa e le Eteleno a kau manu a Iselaele mei kau manu a le kau Esipito, ti e leaise mate loa se manu fua e tasi i manu fuli a fanau a Iselaele.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Sosue 24:7

Na tagi loa okoutou tamana ki le Eteleno. Ti na tuku loa e le Eteleno se fakapouli i le vasa o koutou mo le kau Esipito, ti na aumai loa e ia kia latou le tai, o lotou lomakia ai loa. Na tio okoutou mata ki le nea leia na kau aga o fai ki le kau Esipito. Ti na kotou nonofo loa i le toafa o fualoa.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,