Ekesote 10:15 - Tosi Tapu

¹⁵ Na lotou mafolafola loa i aluga o le fenua katoa, ti na fakapouli loa le fenua katoa ; na lotou kai loa a mutie fuli o le kele mo fua o laakau, mo nea fuli ala na sao loa mei le ua fatu ; na leaise toe sao loa se lau laakau sega i laakau, pe ko se mutie i faisaga, i le fenua katoa o Esipito.

Ekesote 10:15 Iomraidhean Croise

Pesalemo 78:46

Na tuku loa e ia olatou fuata mo taukai ki unufe, Mo alatou faisaga ki seseivaka.

Ekesote 10:12

Ti na pati loa le Eteleno kia Moisese : Siki lou lima ki le fenua o Esipito, ti ke pale a seseivaka ki le fenua o Esipito, ke lotou kai a mutie fuli o le kele, ti mo nea fuli ala na sao i le ua fatu.

Ekesote 10:5

E lotou uufi loa le fuga o le fenua, ti e leaise feala loa le toe tio loa ki le fenua ; e lotou kai loa le nea leia na sao, le nea leia na tuku e le ua fatu, io, e lotou kai loa laakau fuli ala e sosomo i okoutou faisaga ;

Taagapati 30:27

Mo seseivaka, ko se kakai sala sau, Leia e mavae fuli i fa solia ;

Soele 1:4

Ko le nea leia na tuku e le lauka, na kai a ia e le seseivaka ; Ko le nea leia na tuku e le seseivaka, na kai a ia e le seleki ; Ko le nea leia na tuku e le seleki, na kai a ia e le asile.

Soele 2:25

E kau fetogi atu loa kia koutou a fetuu Ala na kai e le seseivaka, Mo le lauka, mo le asile, mo le kasame, Laku solia lasi leia na kau kakau atu kia koutou.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Numelo 22:5

Na kakau loa e Palake ni tagata avelogo kia Palaame, vosa o Peoli, leia na nofo i Petoli, i le kauvai o le Eufalate, i le fenua o vosa o lona kakai, o tupu ke lotou aumai a ia, ti na lotou pati kiate ia : Ko leinei, kua mavae se kakai mei Esipito, ti kua mafola a ia i le fenua katoa ; ti ko leinei kua nofo fua a ia i oku mua.