Ekesote 1:7 - Tosi Tapu

⁷ Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Ekesote 1:7 Iomraidhean Croise

Senesi 1:20

Na pati loa le Atua : Ke tupu o lasi i le vai ni manu mauli, ti ke lele i le lagi ni manu lele.

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 17:16

E kau tapuaki loa kiate ia, ti e kau soli loa kiate koe se vosa iate ia. E kau tapuaki loa kiate ia, ti e liliu loa a ia ko le tinana o ni puleaga ; e tupu loa meiate ia ni sau o ni kakai.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 26:22

Na siki loa a ia i le ganea lena o kenu se tasi ake sosoni ; ti na leaise lotou toe fakavisi loa kiate ia : Ti na soli loa e ia le igoa ko Leopoti ki le sosoni lena, talie na pati a ia : Kua tuku matou e le Eteleno i le aso nei ki le lau lasi, ke motou mou koloa i le fenua nei.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 46:3

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Senesi 47:27

Na nofo loa Iselaele i Esipito, i le fenua ko Koseni. Na lotou maua loa i ai ni kele, ti na lotou maua loa ni fanau, ti na lotou liliu loa o lasi ai.

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Senesi 48:4

Ti na pati mai a ia kiate au : E kau fakaliliu loa a koe o fanaunau, ti e kau liuliuga loa a koe, ti e kau fakasoko loa a koe ko ni kakai toka api, ti e kau soli loa le fenua leinei ki lou sakoga i ou muli, ke maua e ia o lee gato.

Senesi 9:1

Na tapuaki loa le Atua kia Noe mo ona vosa, o pati kia latou : Kotou fanaunau, mo kotou liuliuga, ti mo kotou fakaapele le kele.

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Pesalemo 105:24

Na fakaliliu loa e le Atua lona kakai ke fanaunau, Ti ke makeke ake i ona fili.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Ekesote 1:12

Kae na logo ai lolatou fakamamae, na toe asilisili ake lolatou api mo lolatou makeke ; ti na toe asilisili veli ake le vesia ki fanau a Iselaele.

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 5:5

Na pati loa Falaone : Ko leinei, kua api ai le kakai leinei i le fenua, ti e kolua taofi loa lana gaoi !

Esekiele 16:7

Na kau liuliuga a koe o tua kau agafulu afe, ofaipe le mutie o faisaga. Ti na ke tuputupua, ti na ke liliu o lasi, ti na ke liliu o fulumalie saosaoa ; na tutupu ou u, ti na sosomo lou lau ulu. Kae na ke telefua, io, na ke telefua katoa.

Gaoi 13:17

Na filifili e le Atua o le kakai leinei o Iselaele otatou tamana. Ti na siki loa e ia a ia ki aluga i lana nofo i Esipito, ti na fakamavae loa e ia a ia mei ai ki lona lima mafimafi.

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.