Ekesote 1:22 - Tosi Tapu

²² Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 1:22 Iomraidhean Croise

Senesi 41:1

Na sili loa ni fetuu katoa e lua, ti na fai loa e Falaone se moe miti : Ko leinei, na tuu a ia i le kauvai o le vaitafe.

Pesalemo 105:25

Na fetogi loa e ia olatou loto, o lotou vesia loa ki lona kakai, ti na lotou fai fakakaka loa ki ana tagata fakasausau.

Ekesote 1:16

Na pati loa a ia kia laua : Ka kolua fakafanaui loa a fafine o le kau Epeleo, ti kapau e kolua tio loa i le vilo ake o le toe, ko se toe tagata, ti kolua tamate a ia, kae kapau ko se toe fafine, ti kolua tuku a ia ke mauli.

Ekesote 2:6

Na fakamavaa loa e ia le kete, ti na tio loa a ia ki le toe : ko se ga toe tagata leia na tagi. Na aloalofa loa a ia ki le ga toe, o pati : Ko se toe leinei o le kau Epeleo !

Taagapati 1:16

Talie e makape olatou vae ki le veli, Ti e lotou fakatavili o liligi le toto.

Taagapati 27:4

E tukipo le fakamakeke, ti e fai le ita pe se liua e tafe makeke, Kae ko ai e tuu loa i mua o le finenonofo ?

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Gaoi 7:19

Ko le sau lena, na fakakaka loa ki lotatou lanu, ti na fakavelivelii loa e ia otatou tamana o kaku ki lana fakamaua latou ke titiaki alatou fanau ke mamate.

Epelo 11:23

Ko le tui leia na fufu ai loa a Moisese, i lona tupu, e ona matua i masina e tolu, talie na la tio loa na fulumalie le toe, ti na leaise la i loa ki le fakatotonu a le sau.