Ekesote 1:21 - Tosi Tapu

²¹ Talie na i a fafine faifanau ki le Atua, na fakatupu loa e le Atua ola fale.

Ekesote 1:21 Iomraidhean Croise

Uluaki tosi o Sau 11:38

Kapau e ke fakalogo ki nea fuli ala e kau fakatotonu loa kiate koe, kapau e ke saele i oku ala, ti kapau e ke fai le nea leia e totonu i oku mua, o tausi aku lao mo aku fakatotonu, ofaipe lona fai e Tavite, laku tagata fakasausau, e kau nofo loa mo koe, ti e kau fakamakeke loa lou sakoga ofaipe laku fakamakeke le sakoga o Tavite, ti e kau soli loa kiate koe Iselaele.

Uluaki tosi o Sau 2:24

I le lakaga nei, e mauli le Eteleno, leia na fakamakeke ia laku pule, ti na fakaeke ia au ki le ekeekeaga fakasau o Tavite, loku tamana, ti na fakatuu ia kiate au se fale o mulimuli ki lana fakapapau ! I le aso nei, e mate loa Atonisa.

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Ekesote 1:17

Kae na i loa a fafine faifanau ki le Atua, ti na leaise la fakalogo loa ki le nea leia na pati ki ai le sau o Esipito ; kae na la tuku loa ke mauli a toe.

Taagapati 24:3

Ko le poto leia e laga ia se fale, Ti ko le atamai leia e fakamakeke ia a ia ;

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Selemia 35:2

Ano ki le fale o le kau Lekape, o masau kia latou ; e ke taki loa latou ki le fale o le Eteleno, ki se kogafale, ti e ke soli loa kia latou se vino ke inu.

Uluaki tosi a Samuele 2:35

E kau fakanofo loa kiate au se tagata faisakilifisio agatonu, leia e fai loa o mulimuli ki loku loto mo loku laumalie ; e kau fakatuu loa kiate ia se fale ke mou, ti e saele tuumau loa a ia i mua o laku filifiliia.

Uluaki tosi a Samuele 25:28

E kau kole atu kiate koe, ke ke fakamolemole mai ki le sala a lau fafine fakasausau, talie ko le maoki e fai loa e le Eteleno ki loku aliki se fale lee gato ; ke ke fakamolemole, talie e maoki e fai e loku aliki a tau a le Eteleno, ti e leaise maua fua se agaveli iate koe.