Ekesote 1:17 - Tosi Tapu

¹⁷ Kae na i loa a fafine faifanau ki le Atua, ti na leaise la fakalogo loa ki le nea leia na pati ki ai le sau o Esipito ; kae na la tuku loa ke mauli a toe.

Ekesote 1:17 Iomraidhean Croise

Senesi 20:11

Na tali loa Apalaamo : Na kau pati i loku loto, e lagi leaise maua se i maoki ki le Atua i le fenua leinei, ti e tamate loa au o tupu ko laku avaga.

Senesi 42:18

I le tolu o aso, na pati loa Sosefo kia latou : Kotou fai le nea leinei, ti e kotou mauli loa. E kau i ki le Atua !

Lua tosi a Samuele 24:4

Kae na tuu makeke loa le sau i le fakatotonu leia na soli e ia kia Soape mo pule o le solia ; ti na mavae loa Soape mo pule solia mei le sau, o fai le lau o le kakai o Iselaele.

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Esitele 3:3

Ti na pati loa a tagata fakasausau a le sau, ala na nonofo i le matapa o le sau kia Maletoseo : Kolea e ke maumaui ai le fakatotonu a le sau ?

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Ekesote 1:18

Ti na kalagai loa e le sau o Esipito a fafine faifanau, o pati kia laua : Kolea na kolua fai fenaaki ai, kolea na kolua tuku ai ke mauli a toe ?

Ekesote 1:21

Talie na i a fafine faifanau ki le Atua, na fakatupu loa e le Atua ola fale.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 8:13

Ko le i ki le Eteleno, ko le vesia a ia ki le veli ; Ko le fia nealasi mo le fia taualuga, ko le ala a ia o le veli ; Ti ko le gutu veli, ko lena le nea e kau vesia ki ai.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Taniela 6:13

Na lotou toe masau loa, o pati ki le sau : Ko Taniela, se tasi o le kau popula o Suta, na leaise fakaapaapa fua a ia kiate koe, ei sau, ti mo le tapu leia na ke fakamaoki ki ai, talie e faikole tua tolu a ia i le aso.

Oseo 5:11

Kua fakamakeke Efalaimi, kua fatii a ia e le tautea, Talie na mulimuli a ia ki manatu noa o lona loto.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Gaoi 5:29

Ti na tali loa Petelo mo le kau apositolo : E tonu ke fakalogo ake ki le Atua i le tagata.

Uluaki tosi a Samuele 22:17

Ti na pati loa le sau ki tagata leo ala na tutuu i ona tafa : Kotou mafuli ti kotou tamate a tagata faisakilifisio a le Eteleno ; talie kua lotou kau mo Tavite, na lotou iloa malie na sola a ia, ti na leaise lotou fakasa mai a ia kiate au. Kae na leaise fia mafao a lima o tagata fakasausau, o tamate a tagata faisakilifisio a le Eteleno.