Efeso 5:3 - Tosi Tapu

³ Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Efeso 5:3 Iomraidhean Croise

Pesalemo 10:3

Talie e fakakololia le tagata agaveli i lona manumanu, Ti e lauveli mo gologolo le tagata kaia ki le Eteleno.

Pesalemo 119:36

Taofi loku loto ki au pelesepeto, Kae aua ki koloa !

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Taagapati 28:16

Ko se pule sala atamai e liuliuga ia ni lagiaki fakamakeke, Kae ko leia e vesia ki le manumanu koloa e fakatologa ia ona aso.

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Levitiko 15:18

Ti kapau e momoe loa se tagata mo se fafine, e tonu ke la fakamea loa toka lua, ti e la kelekele loa o kaku ki le afiafi.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Gaoi 20:33

Ti na leaise kau manumanu ki se paaga, pe ki se aulo, pe ki ni kofu o se tasi.

Loma 1:29

Kua lotou apele i nea veveli fuli, mo fai feauaki, mo agaveli, mo manumanu ; ti kua lotou tukumanava fai ki le loto veli, mo le tukipo, mo le fefele, mo le kaka, mo le fatituu ;

Loma 16:2

o tupu ke kotou fakatalitali a ia i le Aliki, i se fakatalitali leia e gali mo le kau sagato, ti ke kotou tokoi kiate ia i nea ala e kotou aoga ai loa kiate ia, talie na tokoi a ia ki se toka api ti mo au totonu foki.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Uluaki tosi ki le kau Kolinto 10:8

Aua na tou fai feauaki, ofaipe le fai a ni iki o latou, o tupu ai le mate o le tino lua tupu tolu afe i se aso fai e tasi.

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.

Uluaki tosi ki le kau Kolinto 6:13

Ko nea kai ki le manava, ti ko le manava ki nea kai, ti e maumaui loa e le Atua le manava o tatau mo nea kai. Kae na leaise fakatupu le tino ki le fai feauaki. Na fakatupu a ia ki le Aliki, ti ko le Aliki ki le tino.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Efeso 5:12

(Talie e fakalumaluma le pati ki le nea leia e lotou fai fakafufu)

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Filipe 1:27

Koleia fua, kotou saele i se saele leia e gali mo le Evaselio o Kilisito, o tupu, pe kau natu o tio kia koutou, pe kau puli, ke kau logo e kotou tuu makeke i se loto e tasi, o tau i se laumalie e tasi ki le tui o le Evaselio ;

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Uluaki tosi ki le kau Tesalonika 4:3

Talie ko le finegalo o le Atua ke kotou maokioki, ti ke kotou fakamamao mei le fai feauaki :

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Uluaki tosi kia Timoteo 2:10

kae ke lotou teu ki ni gaoi malilie, ofaipe ni fafine ala kua fakasa ia ko le kau tausi latou ki le Atua.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Uluaki tosi kia Timoteo 6:10

Talie ko le manumanu paaga ko se aka a ia o veli fuli ; ti ko ni iki, i lalatou maua le nea lena, kua lotou sese o mamao mei le tui, ti kua vivilo latou totonu ki ni mamae lasi.

Lua tosi kia Timoteo 3:2

Talie e alofa loa a tagata kia latou fuai, o kaukau nea mo le paaga, mo fia sa, mo laukau, mo fatituu, mo patigataa ki matua, mo lee fakafetai, mo lee tausi lotu,

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Tito 2:3

Fakasa ki fafine matutua, e tonu foki ke lotou maua se aga leia e gali mo le maokioki, ti ke aua na lotou fatufatu, pe fakavalevale ki le kava ; kae e tonu ke lotou tuku ni tokoi malilie,

Epelo 12:16

Ke kotou tokaga na i ai se tasi e fai feauaki, pe ko se tasi e lee fakaapaapa ki nea tapu ofaipe Esau, leia na fakatau ia lona tapuaki o le uluaki vosa ki se nea kai e tasi.

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Lua tosi a Petelo 2:10

tafito latou ala e makape i muli o le kanofi i se oli fakakelekele, ti e nukinuki ki le pule a le Atua. E lotou agamakeke mo loto fefeka, e leaise lotou i fuai i le lauveli ki le kau pule fakakololia o le lagi,

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Apokalipisi 2:21

Na kau tuku kiate ia se temi ke fakasemala ai, kae e leaise loto a ia ke fakasemala ki lana fai feauaki.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !

Apokalipisi 9:21

ti na leaise lotou fakasemala foki ki alatou tukipo, mo alatou nea fakatemonio, mo alatou fai feauaki, ti mo alatou kaia.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.