Efeso 3:1 - Tosi Tapu

¹ O tupu ko le nea lena, ko au Paulo, ko le tagata pilisoni a Kilisito kia koutou kau pagani…

Efeso 3:1 Iomraidhean Croise

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Gaoi 21:33

Ti na fakafeofi atu loa le pule lasi, o too Paulo, o fakatotonu ke sai a ia ki ni tini e lua, ti na vesili loa a ia pe ko ai a ia, pe kolea lana nea na fai.

Gaoi 23:18

Ti na too loa e le setulio le tupulaga, o taki ki le pule solia, o pati : Na kalagai au e le tagata pilisoni ko Paulo, ti na kole mai e ia kiate au ke kau taki mai kiate koe le tupulaga leinei, talie e fia fakasa atu e ia kiate koe se nea.

Gaoi 26:29

Ti na tali loa Paulo : Pe soko vave a ia pe soko tuvai, e kau kole ki le Atua ke aua na gato fua kiate koe, kae kia latou fuli foki ala e fakalogo mai kiate au i le aso nei, ke kotou liliu ofaipe au, kae sala fua mo tini anei !

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Lua tosi ki le kau Kolinto 1:6

Ti kapau e ma mamae, e tupu ke kotou maua le fakafimalie mo le fakamauli ; ti kapau e ma maua le fakafimalie, e tupu ke kotou maua le fakafimalie, leia e fakaliliu ia koutou o makeke ki le tali mo le kataki o mamae ala e ma tali ia.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Kolinto 11:23

Pe ko tagata fakasausau latou a Kilisito ? E kau masau fakavale, e kau fakalaka ake ia latou : i gaoi, e kau lasi ake ; i sasa, e kau toe lasi ake ; i fakapilisoni, e kau lasi ake. Na tua lasi loku tutamaki ki le mate.

Kalate 5:11

Kae kiate au, fetaina, kapau koi kau akonaki ki le silikosisio, kolea koi fakavelivelii ai au ? Kapau koia, ti kua tiaki le akonaki o Sesu leia na tutuki i le koluse, leia ko se nea fakatupu siga kia latou !

Kalate 5:2

Ko au Paulo, leinei e pati atu kia koutou, kapau e silikosisio koutou, e leaise aoga loa Kilisito kia koutou.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Efeso 3:11

o mulimuli ki le fakatuutuu lee gato leia na fai e ia ia Sesu-Kilisito lotatou Aliki ;

Efeso 3:13

Koia e kau kole ai kia koutou ke aua na kotou loto gaegae o tupu ko mamae ala e kau tali ia o tupu ko koutou : ko lokoutou kololia latou.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Efeso 6:20

leia kua sai ai au ki ni tini ko lona fakafofoga, ti ke kau masau makeke ki ai, talie tonu ke kau masau fenaaki ki ai.

Filipe 1:7

E totonu ke kau manatu fenaaki kia koutou fuli, talie e kau amo koutou i loku loto, pe i oku tini, pe i le taofi ti mo le fakamaoki o le Evaselio, koutou ala e kau fuli mo au ki le kalasia e tasi.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 4:18

E kau fakaalofa atu kia koutou, a au Paulo, i loku lima totonu. Kotou manatui mai oku tini. Ke nofo ia koutou le kalasia !

Kolose 4:3

Kotou ulufaki foki maua, o tupu ke fakamavaa e le Atua kia maua se matapa o uiga mo le folafola, ti ke feala ke kau fakasa le misitelio o Kilisito, leia e tupu ai laku nofo i tini anei,

Lua tosi kia Timoteo 1:16

Ke liligi e le Aliki lona manavaalofa ki le fale o Onesifole, talie na fakapelepelei e ia loku loto o tua lasi, ti na leaise luma a ia ki oku tini ;

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Filemo 1:1

Ko au Paulo, ko le tagata pilisoni a Sesu-Kilisito, ti mo le taina ko Timoteo, kia Filemo, ko loma alofaaga mo loma kaukau nea i le gaoi,

Filemo 1:23

E alofa atu kiate koe a Epafalasi, ko loku kaukau nea i le pilisoni ia Sesu-Kilisito,

Filemo 1:9

kae e kau fai mua kiate koe i le igoa o le alofa se tagi, e au Paulo, ko se matua, ti ko se tagata pilisoni foki i le temi nei a Sesu-Kilisito.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.