Efeso 1:7 - Tosi Tapu

⁷ Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 1:7 Iomraidhean Croise

Sopo 33:24

E alofa loa le Atua kiate ia, ti e pati loa a ia ki le aselo : Saofaki a ia, ke aua na vilo a ia ki le popoko ; Kua kau maua se totogi kiate ia !

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 130:7

Iselaele, tuku lau amanaki malie ki le Eteleno ! Talie e maua le manava alofa i tafa o le Eteleno, Ti e maua foki le totogi i ona tafa.

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Ekesote 34:7

leia e taupau ia lona alofa o kaku ki tautupu e afe, leia e fakamolemole ia le agaveli, mo le patigataa, ti mo le agasala, kae e leaise tuku noa e ia leia e agasala, ti e fakatuaa e ia le agaveli a tamana ki fanau mo makopuna o kaku ki le tolu mo le fa o tautupu.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Taniela 9:19

Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 9:11

Kae kiate koe, o tupu ko lau sai na fakamaoki ki le toto, E kau fakamavae loa lau kau popula i le popoko leia e leaise maua ai se vai.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Maleko 14:24

Ti na pati loa Sesu kia latou : Ko le nea leinei ko loku toto, ko le toto o le sai foou, leia e liligi o tupu ko le toka api.

Luka 1:77

O tupu ke fakasa ki lona kakai le iloa o le fakamauli I le fakamolemole o ana agasala,

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Soane 20:23

Ko latou ala e kotou fakamolemole loa ki ai alatou agasala, e fakamolemole loa latou kia latou, ti ko latou ala e kotou taofi loa ki ai alatou agasala, e taofi loa latou kia latou.

Gaoi 10:43

Ti na fakamaoki kiate ia le kau polofeta fuli : ko leia e tui kiate ia e tali loa e ia i lona suafa le fakamolemole o agasala.

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Loma 3:24

ti kua fakamatonu fakaalofa latou e lona kalasia, i le totogi leia e maua ia Sesu-Kilisito.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Efeso 1:14

leia ko se fakamaoki o lotatou tofiga, ki le aso leia e katoa ai loa le saofaki o latou ala na totogi e le Atua ma ana, ke fakavikiviki ki lona kololia.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 1:8

leia kua tufa e le Atua kia tatou i poto kesekese ti mo atamai kesekese ;

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Filipe 4:19

E tokaga loa loku Atua ki nea fuli ala e aoga kia koutou o mulimuli ki lona mou koloa, i le kololia, ia Sesu-Kilisito.

Kolose 1:14

leia e tou maua ai le totogi, ti mo le fakamolemole o agasala.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 3:6

Na liligi e ia a ia kia tatou o lasi ai ia Sesu-Kilisito, ko lotatou Fakamauli,

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 2:12

E kau fai tosi atu kia koutou, fanau liliki, talie na fakamolemole akoutou agasala o tupu ko lona suafa.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;