Efeso 1:5 - Tosi Tapu

⁵ ti na fakatuutuu fakatomua e ia tatou i lona alofa ke tou liliu ko ana fanau fufui ia Sesu-Kilisito, o mulimuli ki lona fiafia mo lona finegalo,

Efeso 1:5 Iomraidhean Croise

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 3:4

I le lakaga nei, e ke kalaga mai kiate au : Ko loku tamana a koe ! Ko loku kaukau nea a koe i loku ikiiki !

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Mateo 1:25

Kae na leaise iloa e Sosefo a Malia o kaku ki le fanaui e Malia se tama, leia na tuku ki ai e Sosefo le igoa ko Sesu.

Mateo 11:26

Io, Tamana, e kau fakafetai kiate koe talie ko lou loto ke fenaaki.

Luka 10:21

I le lakaga fai lena, na fiafia loa Sesu i le Laumalie Maokioki, o pati : E kau fakavikiviki kiate koe, Tamana, Aliki o le lagi mo le kele, i lau fufu a nea ana ki le kau popoto mo le kau atamai, kae kua ke fakasa latou ki toe liliki. Io, Tamana, e kau fakavikiviki kiate koe talie ko lou finegalo malie a ia.

Luka 11:32

E tutuu ake loa ki aluga a tagata o Ninive i le aso o le fakamaau mo le tautupu nei, ti e lotou fakalakasala loa latou, talie na lotou fakasemala loa i le akonaki a Sonasi ; kae e i ai se tasi i leinei leia e lasi ake ia Sonasi.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Soane 11:52

Ti e leaise gato fua ki le puleaga ; kae ke fakatasii ai foki a fanau a le Atua kua mavetevete.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Gaoi 13:48

Na fiafia ai le kau pagani i lalatou logo ki le nea lena, ti na lotou fakakololia ki le folafola a le Aliki, ti na tui loa latou fuli ala na fakatuutuu ki le mauli lee gato.

Loma 8:23

Ti e leaise gato fua iate ia, kae ko tatou foki, a nei e maua ia a uluaki fua o le Laumalie, e tou fetagisi i otatou loto, o talitali ki lotatou fufui ti mo le saofaki o otatou tino.

Uluaki tosi ki le kau Kolinto 1:1

Ko au Paulo, leia na kalagai ke liliu ko le apositolo a Sesu-Kilisito i le finegalo o le Atua, mo le taina ko Sositene,

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 1:9

ti kua fakasa e ia kia tatou le misitelio o lona finegalo, o mulimuli ki le fakatuutuu fakaalofa leia na fai e ia iate ia totonu,

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Kolose 1:19

Talie na loto le Atua ke nofo a apeleaga fuli iate ia ;

Lua tosi ki le kau Tesalonika 1:11

Koia foki leia e motou faikole tuumau ai kia koutou, o tupu ke lau koutou e lotatou Atua e kotou gali mo lana kalaga, ti ke fakasoko e ia i lona mafimafi a fakatuutuu malilie fuli o lona agamalie, ti ke fakakatoa e ia le gaoi o lakoutou tui ;

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.