Efeso 1:4 - Tosi Tapu

⁴ Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Efeso 1:4 Iomraidhean Croise

Lua tosi a Samuele 22:24

Na leaise kau sala fua kiate ia, Ti na kau nofo tokaga ki laku agaveli.

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Levitiko 19:2

Masau ki le kakai katoa o Iselaele, o pati kia latou : Ke kotou maokioki, talie e kau maokioki, a au, ko le Eteleno, ko lokoutou Atua.

Levitiko 20:7

E kotou fakamaokioki loa koutou ti e kotou maokioki loa, talie ko au ko le Eteleno, ko lokoutou Atua.

Mateo 24:22

Ti kana leaise fakateiki a aso ana, e leaise sao loa se tasi ; kae o tupu ko le kau filifiliia e fakateiki loa a aso ana.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Gaoi 13:48

Na fiafia ai le kau pagani i lalatou logo ki le nea lena, ti na lotou fakakololia ki le folafola a le Aliki, ti na tui loa latou fuli ala na fakatuutuu ki le mauli lee gato.

Gaoi 15:18

Ti na fakasa ia latou talu mei fualoa.

Gaoi 18:10

talie e kau nofo mo koe, ti e leaise lave loa le lima o se tasi kiate koe o fai se nea veli kiate koe ; masau, talie e kau maua ia se kakai toka api i le kolo leinei.

Loma 8:33

Ko ai ka fakalakasala ia loa le kau filifiliia a le Atua ? Ko le Atua leia e fakamatatonu ia !

Uluaki tosi ki le kau Kolinto 1:8

Ko ia foki leia e fakatuu makeke ia loa koutou o kaku ki le fakaoki, o tupu ke kotou saosaoa i le aso o lotatou Aliki ko Sesu-Kilisito.

Kalate 5:13

Fetaina, kua kalagai koutou ki le lauatea ; kae ke aua fua na kotou fakaliliu le lauatea lena ko se faigamalie ke kotou mauli ai i le kanofi ; kae ke kotou liliu, i le alofa, ko ni tagata fakasausau a la ki la.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 3:17

o tupu ke nofo Kilisito i okoutou loto i le tui ; ti ke kotou tauaka mo fakatafito i le alofa,

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Efeso 5:27

talie ke fakatuu i ona mua le Ekelesia lena i lona kololia, sala ila, sala mafetufetu, sala maimoa, kae maokioki mo lee mele.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi ki le kau Tesalonika 3:12

Ti ke fakatuputupua mo fakaapele e ia le alofa leia e kotou maua i okoutou vasaa, ti ki tagata fuli, o faifaitaki ki le alofa leia e motou maua kia koutou ;

Uluaki tosi ki le kau Tesalonika 4:7

Talie na leaise kalagai tatou e le Atua ki le mauli fakalialia, kae ki le maokioki.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Petelo 1:20

leia na fakatuutuu i mua o le fakatupu o le malama nei, ti na fakasa loa i temi fakaoki o sekulo, o tupu ko koutou ;

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Uluaki tosi a Soane 4:16

Ti ko tatou, kua tou iloa le alofa leia e maua e le Atua kia tatou, ti kua tou tui ki ai ko le Atua ko le alofa ; ti ko leia e nofo i le alofa, e nofo a ia i le Atua, ti e nofo le Atua iate ia.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 17:8

Ko le manu leia na ke tio ki ai na mauli ti kua puli. E tonu ke pale a ia mei le vanu, o ano ki le pulinoa. Ti ko kakai o le kele, latou ala na leaise tosi olatou igoa i le tosi o le mauli talu mei le kamataaga o le malama nei, e punamauli loa i le toe tio ki le manu fekai, talie na mauli a ia, ti e leaise koi mauli nei, ti e toe sa loa a ia.