Efeso 1:12 - Tosi Tapu

¹² o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:12 Iomraidhean Croise

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 45:25

E maua loa e vosa o Iselaele Le faitotonu mo le kololia i le Eteleno.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:21

ke tuku kiate ia le kololia i le Ekelesia ia Sesu-Kilisito, i tautupu fuli, i sekulo mo sekulo ! Amene !

Lua tosi ki le kau Tesalonika 2:13

Kia matou, fetaina alofaina i le Aliki, e tonu ke motou fakafetai tuumau ki le Atua o tupu ko koutou, talie kua filifili koutou e le Atua talu mei le kamataaga ki le saofaki, i le fakamea a le Laumalie ti mo le tui ki le maoki.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.