Apetiasi 1:5 - Tosi Tapu

⁵ Kapau e au ni tagata kaia mo ni tagata maumau i le pouli ki lou fale, Pe leaise lotou too loa au nea fuli, Kae ke nofo noa loa ? Ti kapau e ulu ni tagata tauvite ki lau faisaga vite, Pe leaise lotou tuku loa se ga nea fua e tasi ?…

Apetiasi 1:5 Iomraidhean Croise

Lua tosi a Samuele 1:19

Kua tamate le tauleleka o Iselaele i ou mauga ! Kolea kua vilo ai ki le kele le kau toa ?

Esaia 14:12

Ko lena kua ke vilo mei le lagi, A koe, Lusifelo, vosa o le mafoata ! Kua ti a koe ki le kele, A koe leia na malo i atu puleaga !

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Esaia 24:13

Talie kua tatau i le fenua mo loto malie o kakai, Pe ka oki le olive i le lu, Pe ka oki le vite i le tau, E leaise toe se nea.

Selemia 49:9

Kapau e au kiate koe ni kau tau vite, Pe leaise lotou fakatoe loa se nea ? Kapau e au kiate koe ni kau kaia i le pouli, E lotou maumaui fai le nea leia e lotou mafai.

Selemia 50:23

Kolea ! Kua fati, kua maumau, le amale o le malama nei katoa ! Kua maumaui Papilone i loto malie o atu puleaga !

Selemia 6:9

E folafola le Eteleno o kau tau, o pati : E taetae loa a toetoega o Iselaele ofaipe le vite. E toe falo lou lima ki ai, Ofaipe le tagata tau vite ki tafito vite.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Apetiasi 1:9

Ko au tagata tau, ei Temane, e nonofo loa i le i lasi, Talie e mamate loa i le matea latou fuli o le mauga o Esau.

Mikea 7:1

Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Tetelonome 24:21

Ka ke tau loa a fua o lou vite, ke aua na ke toe tanaki loa le nea leia e toe : E ke tuku loa a ia ki le matapule, mo le fanau leia e sala tamana, mo le fafine leia e sala avaga.

Apokalipisi 18:10

E lotou tuu loa mei mamao, i le i ki lona mamae, o pati : Malaia ! Malaia ! le kolo lasi ko Papilone, le kolo makeke lena ! Talie kua soko lou fakamaau i se ola e tasi.