Apetiasi 1:12 - Tosi Tapu

¹² Na leaise tonu ke ke tio fakafiafia ki le aso o lou taina, le aso o lona malaia ; Na leaise tonu ke ke fakafiafia ki fanau a Suta i le aso o lolatou maumaui, Ti na leaise tonu ke ke lauveli kia latou i lou gutu i le aso o lolatou mamae.

Apetiasi 1:12 Iomraidhean Croise

Sopo 18:20

E ofolele loa tautupu ki muli i lona maumau, Kae i loa le tautupu o le temi lena.

Sopo 31:29

Ti kapau na kau fiafia i le malaia o loku fili, Ti kapau na kau soposopo i le temi o lona malaia,

Pesalemo 22:17

Talie e takatakai au e ni kuli, E mumui se kau kaia i oku tafa, E lotou sokai oku lima mo oku vae.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 35:15

Kae ko leinei kua kau siga, e lotou fakatasi ti e lotou fiafia, E lotou fakatasi fakafufu o lauveli kiate au, E leaise lotou manavanava loku sae.

Pesalemo 37:13

E kata le Eteleno ki le tagata agaveli, Talie e tio a ia kua soko mai lona aso.

Pesalemo 54:7

E toe vilo loa le veli ki oku fili ; Ke ke tapono olatou gutu, o tupu ko lou agatonu !

Pesalemo 59:10

Pe feaki le lasi o lolatou makeke ! ko koe leia, Eteleno, e kau amanaki malie ki ai, Talie ko le Atua ko loku ulufaga taualuga.

Pesalemo 92:11

Kae e ke soli mai kiate au le makeke o le pipi vao ; E takai au ki se lolo foou.

Taagapati 17:5

Ko leia e gologolo ki le mativa e lauveli ki leia na fakatupu ia a ia ; Ko leia e fakafiafia i se malaia e tautea loa.

Esaia 37:24

I au tagata fakasausau kua ke lauveli ki le Aliki, Ti kua ke pati : I le lasi o aku saliote, Na kau kava ki le tumutumu o mauga, Ki potupotu o Lipane ; E kau tuuti loa ona sete lalasi, Mo ona sipele fulumalilie, Ti e kau kaku loa ki lona tumutumu fakaoki, Ki lona vaomatua leia e faipe se faisaga laakau fua ;

Tagi laulau a Selemia 2:16

Kua fakamaga e ou fili fuli olatou gutu kiate koe ; E lotou mapu ; e lotou uuti olatou nifo ; E lotou pati : Na motou folo a ia ! Ko le aso maoki ai leia na motou talitali ki ai, kua motou kaku ki ai, kua motou tio ki ai !

Tagi laulau a Selemia 4:21

Ke ke fiafia, ke ke soposopo i le nekenekea, taine o Etome, A koe leia e nofo i le fenua o Utese ! E kaku atu loa le ipu kiate koe foki ; E ke inu loa a ia o kona, ti e fakatelefua loa a koe.

Esekiele 35:12

E ke iloa loa ko au, le Eteleno, Na kau logo ki lauveli fuli Ala na ke fai ki mauga o Iselaele, O pati : Kua la maumau, Kua tuku mai laua ko se nea kai kia matou.

Esekiele 35:15

O tupu ko le fiafia leia na ke maua Talie kua maumau le tofiga o le fale o Iselaele, E kau fai fakatatau loa kiate koe ; E ke liliu loa ko se potu lavaki, mauga o Seili, A koe mo Etome katoa. Ti e lotou iloa loa ko au ko le Eteleno.

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Mikea 4:11

I le aso nei kua fakatasi ni puleaga mauke kiate koe. Ti e lotou pati : Ke fakakelekele a ia, Ti ke tio otou mata ki Sione !

Luka 19:41

I le ofi a Sesu ki le kolo, na tio loa a ia ki ai, ti na tagi loa a ia, o pati :

Sakopo 3:5

E toe tatau foki mo le alelo, ko se ga koga tino ikiiki fua a ia, kae e viki a ia ki nea lalasi. Kotou tio ki le vaomatua lasi leia kua tutu e se ga afi ikiiki !

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.

Apokalipisi 13:5

Ti na soli loa kiate ia se gutu leia na puaki ia ni masau mata tuu ti mo ni lauveli ki le Atua ; ti na soli loa kiate ia le pule ke gaoi i masina e kau fa tupu lua.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.