Apakuki 3:4 - Tosi Tapu

⁴ Se faipe le gigila o le malama ; E mavae ni kave gigila i lona lima, I lena e nofo ai lona makeke.

Apakuki 3:4 Iomraidhean Croise

Neemia 9:12

Na ke taki loa latou i le ao ki se fa pou ao, ti na ke taki loa latou i le pouli ki se fa pou afi, leia na fakamalama ia lolatou ala, le ala leia na tonu ke lotou saele ai.

Sopo 26:14

Ko potupotu ana o ona ala, Ko le ga logoa noa leia e kaku mai kia tatou. Kae ko ai e logo loa ki le mana o lona mafimafi ?

Pesalemo 104:2

E kofu e ia le malama ofaipe se taupulupulu ; E folasi e ia le lagi ofaipe se falela.

Pesalemo 18:12

Na fai e ia ki le fakapouli lona nofoaga fakalilo, lona falela i lona takatakai. Na kofu a ia e ni vai fakapouli mo ni ao uuli.

Ekesote 13:21

Na ano loa le Eteleno i olatou mua i le ao i se fa pou afu, o taki latou i le ala ; ti e i le pouli i o se fa pou afi, o fakamalama latou, o tupu ke lotou saele i le ao mo le pouli.

Ekesote 14:20

Na tuu loa le ao i le vasa o le kau tau a le kau Esipito mo le kau tau a le kau Iselaele. Na fakapouli le ao lena i le tasi fetuu, ti na fakamalama e ia i leia ake fetuu le pouli. Ti na leaise mafai loa ke fakafeofi a kau tau e lua i le po katoa.

Taagapati 18:10

Ko le suafa o le Eteleno ko se tule makeke ; E sola ki ai le tagata agatonu, ti e maua e ia se fimalie.

Esekiele 1:27

Na kau toe tio foki ki se nea ofaipe se sila gigila, ofaipe se afi, ti na tuu le tagata lena i loto o le nea lena, ti na takatakai a ia e se malama gigila i ona vakavaka o kaku ki aluga ; ti i ona vakavaka o kaku ki lalo, na kau tio ki se nea ofaipe se afi, ofaipe se malama gigila leia na takatakai ia a ia.

Esekiele 43:2

Ti ko leinei, na au le kololia o le Atua o Iselaele i le potu esite. Na tatau lona leo mo le gugulu o vai lalasi, ti na gigila le malama nei i lona kololia.

Mateo 17:2

Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.