Apakuki 2:5 - Tosi Tapu

⁵ Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Apakuki 2:5 Iomraidhean Croise

Lua tosi o Sau 14:10

Na ke tamate le kau Etome, ti kua malaga lou loto ki aluga. Fakafiafia ki lou malo, ti ke nofo i lou fenua. Kolea e ke oso ai ki se nea fakatupu tutamaki, leia e aumai ia loa le malaia kiate koe mo Suta ?

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Taagapati 20:1

E gologolo le vino, ti e logoa a kava makeke ; Ko leia e fakavalevale ki ai e leaise poto.

Taagapati 21:24

Ko le tagata fia nealasi, mo le tagata fia taualuga, e gologolo ki nea fuli, Ti e sa lona fia nealasi i ana gaoi fuli.

Taagapati 27:20

Ofaipe le nofoaga o le kau mate mo le vanu e leaise makokona ; E leaise makokona foki a mata o le tagata.

Ekelesiasi 5:10

Ka lasi a koloa, e toe lasi foki latou ala e kai ia latou ; ti kolea loa lona malie ki le tagata lena, kae ko le tio fai o ona mata ki ai ?

Esaia 14:6

Leia na taai ia a kakai i lona itaita Ki ni tautea faisosoko ; Leia na pule i le fakamakeke ki atu puleaga, Kua tuli fakaveliveli.

Esaia 16:6

Kua motou logo ki le laukau o Moape, Ki lona nekenekea mo lona fia taualuga, Ki lona matasoka mo ana masau vaiga.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 21:5

Kua teuteu le laupapa kai, kua leo le kau leo, kua kai mo inu… : Ki aluga, kau pule ! Kotou takai lolo a paletau !

Esaia 5:14

Koia kua fakamavaa ai le gutu o le nofoaga o le kau mate, Ti kua fakamavaa lasi ai lona gutu ; Ti e ifo loa ki ai le kau mauiga mo le kau mou koloa o Sione, Ti mo lona kakai logoa mo fiafia.

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 50:29

Kotou kalagai ki Papilone le kau faikalolo, koutou fuli ala e poto i le kalolo ! Kotou takatakai a ia, ke aua na sao se tasi ! Kotou totogi kiate ia o mulimuli ki ana gaoi ! Kotou fai katoa kiate ia o mulimuli ki le nea na fai e ia ! Talie na malaga a ia i le fia nealasi ki le Eteleno, Ki le Sagato o Iselaele.

Selemia 51:39

Kae ka lotou kamata velaia loa, e kau fakainu loa latou, E kau fakainu loa latou ke konana, ke lotou fakafiafia, Ti ke lotou momoe o talu oki, e leaise lotou toe ala ake loa, e pati le Eteleno.

Apakuki 1:15

E toso ake e ia latou fuli ki le matau, E aumai e ia latou ki lona kupega, E tanaki e ia latou ki ana kukuti. Talie e lasi loa lona fiafia mo lona nekenekea ia latou.

Apakuki 1:17

Pe gato loa afea lana toso lana kupega ? Pe gato loa afea lana tamate fakaveliveli a atu puleaga ?

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Uluaki tosi ki le kau Tesalonika 4:11

ti ke kotou tokaga lasi ke kotou mauli i le tokamalie, ke kotou tasi tokaga ki ana nea totonu, ti ke kotou gaoi ki okoutou lima, ofaipe lamatou fakatotonu atu kia koutou,

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.