Apakuki 1:13 - Tosi Tapu

¹³ E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Apakuki 1:13 Iomraidhean Croise

Lua tosi a Samuele 4:11

ti e feaki ake loa mo kapau kua tukipooi e ni tagata agaveli se tagata agatonu i lona fale, i lona moeaga, pe leaise toe kese ake loa laku afa lona toto ki okoulua lima, pe leaise kau tamate fenaaki loa koulua ?

Uluaki tosi o Sau 2:32

Kua fakavilo e le Eteleno lona toto ki lona fa ulu, talie na tamate e ia a tagata e lua ala na agatonu ake mo malilie ake iate ia, ti na tamate e ia laua ki le seleta, kae na leaise iloa fua e loku tamana ko Tavite : Ko Apenele, vosa o Nele, pule o le solia o Iselaele, ti mo Amasa, vosa o Setelo, pule o le solia o Suta.

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Sopo 15:15

Kapau e leaise fanaki le Atua ki lana kau sagato, Ti kapau e leaise mea le lagi i ona mua,

Sopo 21:7

Kolea e mauli ai le kau agasala ? Kolea e tio ai kia latou e matutua malie, ti e asilisili lasi lolatou makeke ?

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Pesalemo 10:15

Fatii le lima o le tagata agaveli, Tautea ana agaveli, ti ke puli a ia i ou mata !

Pesalemo 18:26

Ki leia e agamalie e ke fakasa lou agamalie. Ki le tagata agatonu e ke fai o mulimuli ki lona agatonu.

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 35:17

Aliki ! E kaku loa kiafea lau tio kia latou ? Ke ke Puipui loku laumalie i alatou masele ! Loku mauli i uviki laione !

Pesalemo 35:22

Eteleno, e ke tio ki ai ! aua na ke nofo fakalologo ! Aliki, aua na ke fakamamao iate au !

Pesalemo 35:25

Ke aua na lotou pati i olatou loto : A ! ko lena le nea leia e motou loto ki ai ! Ke aua na lotou pati : Na motou folo a ia !

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 73:3

O tupu na kau fua ki le kau vale, I laku tio ki le manuia o le kau agaveli.

Pesalemo 83:1

Katiko. Pesalemo a Asafe.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Tagi laulau a Selemia 3:36

Ka fakalakasala se tasi i lona fakamaau, Pe leaise tio le Aliki ki ai ?

Apakuki 1:14

Pe ke fai loa ki le tagata ofaipe ika o le tai, Ofaipe le manu totolo leia e leai sona pule ?

Sakalia 8:17

Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Tetelonome 23:15

Ke aua na ke tuku ia loa ki lona pule se tagata fakasausau leia e sola loa mei lona pule o mumuni iate koe.