Amosi 8:10 - Tosi Tapu

¹⁰ E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Amosi 8:10 Iomraidhean Croise

Selemia 6:26

Taine o loku kakai, ke ke pulou ki se taga, ti ke ke mafulifuli i le mugalafu, Tui le kofu o le putu ofaipe le putu ki se vosa fuatasi, Fakasali ou loimata, ni loimata kona ! Talie e au fakafokifa kia tatou le tagata maumau.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Esekiele 7:18

Kua lotou tui ni taga, Ti kua kofu latou e le i ; Kua luma a mata fuli, Kua tele a ulu fuli.

Selemia 48:37

Talie kua tele a ulu fuli, Kua tuuti a kaukava fuli, Kua matafatafa a lima fuli, Ti kua sulu ni taga ki vakavaka fuli.

Sopo 20:23

Ti ko leinei, e kakau mai loa e le Atua kiate ia le afi o lona sausau, Ke fakaapele ia lona manava, Ti e fakamakona loa e ia a ia ki se ua gasau.

Oseo 2:11

Koia e kau toe too ai loa laku fulumeto i lona temi ti mo laku vino i lona lakaga, ti e kau too loa laku fului manu mo le kie leia na tonu ke fufu ia lona telefua.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Amosi 8:3

I aso ana, e liliu loa a sua o fale sau ko ni tagi laulau, E pati le Aliki, le Eteleno ; E laku fakalologo loa i ganea fuli ni mate mauke ai.

Amosi 5:23

Fakamamao iate au le logoa o akoutou katiko ; E leaise kau fakalogo ki le tagi o akoutou nea fai musika.

Sopo 3:5

Ke osoi a ia e le fakapouli matotolu mo le malu o le mate, Ke fakatuu e ao matotolu lolatou nofoaga i ona aluga, Ti ke tapono e le fakapouli matotolu le laa kiate ia !

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Senesi 21:16

kae na ano loa a ia o nofo kese, o mamao mei le toe i se gasau na kaloloi. Talie na pati loa a ia : Ke aua na kau tio ki le mate o loku tama ! Na tonatona loa a ia i le ganea lena o tio ki le ganea leia na nofo ai lona tama, ti na tagi leo lasi loa a ia.

Levitiko 13:40

Kapau e maluku loa a fului ulu o se tagata, o liliu loa a ia o ulu tula, e mea a ia.

Esaia 3:24

E fetogi loa le kaloni ki le namuku ; Ti e fetogi loa le kilipipi ki le maea ; E fetogi loa a lauulu ki ulu tula ; E fetogi loa le taupulupulu lasi ki se taga ikiiki ; Ti e liliu loa a mata fulumalie ko ni mata fefe.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Tagi laulau a Selemia 5:15

Kua puli le fiafia i omatou loto, Kua fetogi e le putu a mako.

Esekiele 7:2

Ti ko koe, vosa o le tagata, ko leinei le folafola a le Aliki, le Eteleno, Ki le fenua o Iselaele : Ko leinei le fakaoki ! E au nei le fakaoki ki potupotu e fa o le fenua !

Soele 1:8

Ke ke tagi laulau, ofaipe le taine taupoou leia e tui ia le taga, O tagi ki le alofaaga o lona temi tupulaga !

Amosi 5:21

E kau vesia, e kau fakalialia ki okoutou aso lalasi. E leaise koi kau fia sauga fua ki akoutou fakatasi.

Sopo 30:31

Kua tagi laku alepe ; Ti kua mamae laku salumo.

Oseo 2:13

E kau fakagato loa lona fiafia katoa, mo ona aso lalasi, mo ona masina foou, mo ona sapato, ti mo ona katoaga fakaalialiki fuli.