Amosi 7:8 - Tosi Tapu

⁸ Na pati mai loa le Eteleno kiate au : Kolea e ke tio ki ai, Amosi ? Na kau tali loa : Ki se nivo. Ti na pati loa le Aliki : E kau tuku loa le nivo ki loto malie o loku kakai ko Iselaele, E leaise kau toe fakamolemole loa kiate ia.

Amosi 7:8 Iomraidhean Croise

Lua tosi o Sau 21:13

E kau maumaui loa Selusalemi ofaipe laku maumaui Samalia mo le famili o Akapo ; e kau fufulu loa Selusalemi ofaipe se pa leia e fufulu, ti e fakapulou i le oki o lona fufulu.

Esaia 28:17

E kau fai loa ki le loto sako se lekula, Ti mo le maokioki se nivo ; Ti e maumaui loa e le ua fatu le solaaga o le kaka, Ti e lofia loa i le vai le mumuniaga o le loi.

Esaia 34:11

E maua loa a ia e le pelikano mo le eliso, E nonofo loa i ai le lulu mo le kolopo. E fao loa i ai le afo o le lavaki, Ti mo le nivo o le maumau.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Tagi laulau a Selemia 2:8

Na fakapapau le Eteleno ke maumaui a paa o le taine o Sione ; Na fao e ia le afo, ti na leaise too e ia lona lima kae e leikiaise tamatamate fuli latou ; Na tuku e ia ki le mamae a paa mo kaua, Ala na maumau.

Oseo 1:6

Na toe tinae loa Komela ti na fanaui loa e ia se taine. Ti na pati loa le Eteleno kia Ose : Fakaigoa a ia ko Lolusama ; talie e leaise kau toe alofa loa ki le fale o Iselaele, ti e leaise kau toe fakamolemole loa kiate ia.

Amosi 7:7

Na fakasa mai loa e ia le tio leinei kiate au : Ko leinei, na tuu le Aliki i se paa sako, Ti na too e ia se nivo i lona lima.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 4:10

Talie ko latou ala na nukinuki ki le aso o ga kamataaga liliki e fiafia loa i le tio ki le nivo i le lima o Solopapele. Ko malama anei e fitu ko mata o le Eteleno, ala e taka i le malama nei katoa.

Sakalia 4:2

Na pati mai loa a ia kiate au : Kolea le nea leia e ke tio ki ai ? Na kau tali loa : E kau tio, ti ko leinei, e i ai se tuuaga malama leia na aulo saosaoa katoa, mo se nea tanaki lolo i aluga. Na maga fitu le tuuaga malama, mo ni tafeaga lolo e fitu ki malama e fitu ala i le tumutumu o le tuuaga malama ;

Sakalia 5:2

Ti na pati mai loa le aselo kiate au : Kolea le nea leia e ke tio ki ai ? Na kau tali loa : E kau tio ki se takaiga tosi leia e lele ; na meta kau agafulu lona loa, ti na meta lima lona lau lasi.