Amosi 5:4 - Tosi Tapu

⁴ Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Amosi 5:4 Iomraidhean Croise

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 20:3

I le i o Sosafate, na loto loa a ia ke afa le Eteleno, ti na fakatotonu loa e ia ke fai se sesunio i Suta katoa.

Lua tosi o Koloniko 20:4

Na fakatasi loa Suta ke kole se tokoi ki le Eteleno, ti na au loa mei kolo fuli o Suta ke afa le Eteleno.

Lua tosi o Koloniko 34:3

I le fetuu valu o lana sau, koi muli foki a ia, na kamata afa loa e ia le Atua o Tavite, lona tamana ; i le fetuu kau agafulu tupu lua o lana sau, na kamata fakamea loa e ia a Suta mo Selusalemi mei ganea tapu, mo taulaatua, mo fakatata laakau, ti mo fakatata ukamea.

Pesalemo 14:2

E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 69:32

E malie le nea lena ki le Eteleno, o lasi ake i se pipi tagata Mo ona tala ti mo ona taga vae.

Pesalemo 69:33

E tio ki le nea lena le kau mativa, ti e lotou fiafia loa : Ke mauli okoutou loto, koutou ala e afa ia le Atua !

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Selemia 38:20

Ti na tali loa Selemia : E leaise tuku loa a koe kia latou. Fakalogo ki le leo o le Eteleno i le nea leinei kua kau fakasa kiate koe ; e ke maua loa i ai le malie, ti e ke mauli loa.

Esekiele 18:9

Leia e mulimuli ki aku lao ti e tausi ia aku fakatotonu o gaoi i le agatonu, ko lena le tagata leia e agatonu, leia e mauli loa, e pati le Aliki, le Eteleno.

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Mateo 7:8

Talie ko leia e kole e tali, ko leia e afa e maua, ti e fakamavaa ki leia e fitifiti.

Tetelonome 32:46

Na pati loa a ia kia latou : ke kotou too fakamalotoloto a folafola fuli anei e kau fakapapau atu kia koutou i le aso nei, ti ke kotou fakatotonu latou ki okoutou fanau, o tupu ke lotou tausi latou mo fai latou.

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.