Amosi 4:8 - Tosi Tapu

⁸ Na ano ni kolo e lua, e tolu foki, ki se tasi ake a kolo o inu i ai se ga vai, Kae na leaise lotou mau foki. Kae logo ai le nea lena, na leaise kotou toe liliu mai kiate au, e pati le Eteleno.

Amosi 4:8 Iomraidhean Croise

Uluaki tosi o Sau 18:5

Na pati loa Akapo kia Apetiasi : Ano i le fenua katoa ki matapuna vai fuli ti mo liua fuli ; e lagi ke maua loa se mutie, ti ke tou saofaki ai loa le mauli o osi mo asino, ti ke aua na tou tamate loa ni manu.

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Selemia 23:14

Kae i le kau polofeta o Selusalemi, na kau tio ki ni nea e toe fakalialia ake ; E lotou fai tono, e lotou saele i le loi. E lotou fakamakeke a lima o le kau agaveli, O tupu ke aua na tafoki mai kiate au se tasi ia latou i lana agaveli. Kua lotou fai fuli ki oku mata pe Sotoma, Ti kua fai le kakai o Selusalemi pe Komola.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 3:7

Na kau pati loa : E tafoki mai loa a ia kiate au, i le oki o lana fai o nea fuli ana. Kae na leaise tafoki mai a ia kiate au. Ti na fakamaoki ki ai lona taina kaka ko Suta.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Amosi 4:6

Ti ko au, na kau kakau atu kia koutou le oge ki okoutou kolo fuli, Le oge i le nea kai ki okoutou nofoaga fuli. Kae logo ai le nea lena, e leaise kotou toe liliu mai kiate au, e pati le Eteleno.

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.