Amosi 4:4 - Tosi Tapu

⁴ Kotou ano ki Petele, ti kotou agasala ! Kotou ano ki Kilikale, ti kotou asilisili agasala ! Kotou momoli akoutou sakilifisio i usu fuli, Ti mo akoutou vaega kau agafulu i aso fuli e tolu !

Amosi 4:4 Iomraidhean Croise

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Oseo 12:11

Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Oseo 9:15

E sa lalatou agaveli fuli i Kilikale ; Ko le ganea lena na kau fakalialia ai kia latou. O tupu ko le veli o alatou gaoi, E kau kapu loa a ia i loku fale. E leaise kau toe alofa loa kia latou ; Ko olatou pule fuli ko ni kau agatuu.

Amosi 3:14

I le aso leia e kau tautea ai loa Iselaele o tupu ko ana agasala, E kau taai loa a aletale o Petele ; E fatifati loa a tala o le aletale, O vivilo loa ki le kele.

Amosi 5:5

Aua na kotou afa Petele, Aua na kotou ano ki Kilikale, Aua na kotou fakalaka i Pele-Sepa. Talie e popula loa Kilikale, Ti e liliu loa Petele ko se kolo maumau.

Mateo 23:32

Koia e kotou fakaapele ai le ipu o okoutou tamana.

Mateo 26:45

Ti na toe liliu mai loa a ia ki ana tisipulo, o pati kia latou : Kotou momoe la i le lakaga nei, ti kotou malolo ! Ko leinei, kua ofi mai le ola leia e tuku ai le Vosa o le tagata ki lima o le kau agasala.

Maleko 14:41

Na toe liliu mai loa a ia i le tua tolu, o pati kia latou : Kotou momoe la i le temi nei mo kotou malolo ! Kua feauga ! Kua soko mai le ola ! Ko leinei, ka tuku loa le Vosa o le tagata ki lima o le kau agasala.

Maleko 5:5

Na nofo tuumau a ia, i le pouli mo le ao, i tanuma ti mo mauga, o tagi, mo tafatafai lona kuaga ki ni fatu.

Tetelonome 26:12

I fetuu tolu fuli, e soko ai loa le fetuu o le vaega kau agafulu. Ka oki loa lau too le vaega kau agafulu, leia ko le vaega kau agafulu o au nea fuli, e ke tuku loa a ia ki le Levi, mo le matapule, mo le fanau leia e sala tamana, mo le fafine leia e sala avaga. E lotou kai loa a ia ti e lotou makona loa i le ganea lena e ke nofo ai.