Amosi 4:2 - Tosi Tapu

² Kua fakapapau e le Aliki, le Eteleno i lona maokioki : Ko leinei, e soko mai loa kia koutou ni aso Ala e too ai loa koutou ki ni matau lalasi, Ti mo lokoutou sakoga ki ni matau liliki ;

Amosi 4:2 Iomraidhean Croise

Pesalemo 89:35

E leaise kau maumaui loa laku sai, ti e leaise kau fetogi loa le nea leia na ulu mei oku laugutu.

Pesalemo 89:36

Na kau fakapapau tua tasi i loku maokioki : Pe kau loi loa kia Tavite ?

Esaia 37:29

Talie kua ke itaita kiate au, Ti kua logo mai au masau matasoka ki oku taliga, E kau tuii loa laku matau ki lou isu, ti mo laku fakagutu ki ou laugutu, Ti e kau toe fakaliliu loa a koe i le ala leia na ke au ai.

Selemia 16:16

E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Esekiele 29:4

E kau tuii loa se matau ki ou kaugutu, E kau fakapipiki loa ki ou unafi a ika o ou vaitafe, Ti e kau toso loa a koe mei loto malie o ou vaitafe Mo ika fuli ala e maua i ai Ti na pipiki loa ki ou unafi.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 38:4

E kau fakapiki loa se matau ki ou kaugutu, ti e kau toso loa a koe. E kau fakamavae loa a koe i lou fenua, a koe mo lau solia katoa, A osi mo tagata ekeosi, Ala na teu fulumalilie fuli, Ko se solia toka api leia na too ia le paletau lasi mo le paletau ikiiki, Ala na poto i tau ki le seleta.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Amosi 8:7

Kua fakapapau le Eteleno i le kololia o Sakopo : E leaise kau toe galoi loa sana gaoi fua e tasi.