Amosi 4:1 - Tosi Tapu

¹ Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 4:1 Iomraidhean Croise

Uluaki tosi o Sau 16:24

na totogi loa e ia kia Semele le mauga o Samalia ki fa piesi paaga e ono afe ; ti na fakatuu loa e ia se kolo i le mauga, ti na fakaigoa loa e ia a ia ko Samalia, ofaipe le igoa ko Semele, aliki o le mauga.

Sopo 20:19

Talie na fakamakeke e ia ti na tiaki e ia le kau mativa ; Ti na maumaui e ia olatou fale, kae na leaise fakatuu e ia se fale kia latou.

Sopo 24:4

E tulei mei le ala le kau fakaaloalofa, Ti e tonu ke mumuni le kau mativa fuli o le fenua.

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 140:12

Ko le tagata leia e gutu loiloi e leaise makeke i le malama nei ; Ti ko le tagata agamakeke, e maumaui a ia e le malaia.

Pesalemo 22:12

Aua na ke fakamamao iate au mo ka ofi mai le mamae, Mo ka e leaise au se tasi o tokoi mai kiate au !

Taagapati 22:7

E pule le tagata mou koloa ki le kau mativa, Ti ko leia e too maua e popula ki leia na too maua ai.

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Ekelesiasi 5:8

E malie ake ki le fenua ke maua e ia se sau leia e fakamuamua ia i nea fuli le gaoi ki faisaga.

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Selemia 50:27

Kotou tamate ana pipi tagata fuli, ke ave latou ki le fale tamate manu ! Malaia kia latou ! talie kua soko mai lolatou aso, Le temi o lolatou tautea.

Selemia 51:34

Ko Nepukatenesale, sau o Papilone, na kai ia au ti na maumaui ia au ; Na fakaliliu e ia au ko se ipu masa ; Pe se talakone, na folo e ia au, Na fakaapele e ia lona manava ki nea ala na mauiga kiate au ; Na kapu e ia au.

Selemia 6:6

Talie e folafola le Eteleno o kau tau, o pati : Kotou sele ki lalo laakau, Kotou fau ni palepale tau ki Selusalemi ! Ko le kolo lena e tonu ke tautea ; Talie kua apele a ia i agaveli ata.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Esekiele 18:12

ti kapau e fakamakeke e ia le tagata fakaaloalofa mo le tagata mativa, ti kapau e kaia a ia, ti kapau e leaise liufaki e ia le koloa o leia na gaoi kiate ia, ti kapau e tausi a ia ki taulaatua, o fai ni nea fakalialia,

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Esekiele 22:29

Kua vilo le kakai o le fenua ki le agamakeke, ti kua lotou fai ni kaia, ti kua lotou fakamamae le fakaaloalofa mo le mativa, ti kua lotou takatakafi ki lalo le matapule, ti kua lotou maumaui a lao fuli.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 39:18

E kotou kai loa le kanofi o le kau toa, Ti e kotou inu loa le toto o le kau pule lalasi o le malama nei, Ala kua fetogi ia a ovi tagata, mo akeno, mo koti tagata, Mo pipi tagata ala na fakapepeti i Pasani.

Soele 3:3

Na lotou toso loku kakai ; Na lotou soli le tama tupulaga ki se fafine faiaga, Na lotou fakatau le taine ki se vino, ti na lotou inu.

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Amosi 3:3

Pe saele fakatasi ni tagata e toka lua Kae e leikiaise la tonu tasi ?

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Amosi 6:6

E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Numelo 21:33

Na lotou maliu loa o pale i le ala o Pasani. Ko Oki, sau o Pasani, na ano loa mo lona kakai katoa o fakafelavei ki fanau a Iselaele, ti na taui loa e ia Iselaele i Etelei.

Tetelonome 24:14

Ke aua na ke pule fakaveliveli ki lau tagata gaoi, o tupu ko lona mativa mo lona fakaaloalofa, tatau pe ko lou taina pe ko se matapule leia e nofo mo koe i lou fenua.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.